〔酒店報告〕東莞萬達文華酒店 Wanda Vista Dongguan

一路向西－ 上星期來到東莞探親時入住萬達文華酒店，又來點評一下。

東莞萬達文華酒店 Wanda Vista Dongguan

首先，我好想知道點解萬達文華（英文名係Wanda Vista）會叫「文華」？由於我唔係負責訂酒店個個，我聽到book左呢間個時有一刻係度諗同文華東方（Mandarin Oriental）有乜關係？諗左一陣，又好似係無關係。究竟萬達改呢個名個時係乜心態呢？

Anyway，萬達文華酒店在2014年開業，位於市中心，隔離係萬達廣場，有戲院、食肆、超市、百貨等等，行遠啲有步行街，萬達廣場前就有好多巴士站，10分鐘步程到東莞地鐵東城站。酒店定位行高端路線，大堂設計氣派，房間裝修豪華舒適，其他設施完善，有時我仲感覺到酒店設計處處有其他國際品牌酒店的影子，整體來講評價相當好。

充滿氣派的大堂

由大堂望返出面 

有一刻令我覺得有國際品牌酒店影子的就係我踏入大堂深呼吸左個一下，陣香味好熟悉，似PP，似Conrad。

lobby lounge好靚，好唔好食就唔知啦lol 

自動mode鋼琴

（左）check in counter；（右）樓上走廊

我們大約中午1－2點來到check in，排隊既人唔多，但check in check得有啲耐，淨check都用左兩三個字，然後就上樓啦。後尾我有再埋counter ask for help，服務態度都幾好幾helpful。另外，wifi速度亦令人滿意。

一入房就係咁既view

twin bed room － 床好軟林林，未必個個慣，我自己就覺得okay，可以硬返少少

窗外的萬達廣場

今次入住既係19樓的Wanda Club Floor，房間對正萬達公館，唔知對面樓價幾錢呢？（笑）

萬達公館 － 應該未賣晒，我睇見好多未入伙

back into the room － minibar、衣帽間、工作桌，以及由浴室望入去房

tasteful, spacious, and everything on point
我媽晚上試浸浴，用了薰衣草味浴鹽，佢表示好爽皮

淋浴間、廁所位、Archive沐浴用品、兩支水

萬達文華選用了Archive的沖涼用品，雖然係珠海製造的，不過又香又好用，隻隻唔同味又好夾好relaxing，body lotion潤而不笠。根據我的了解，Archive呢個brand海外都有，都係好似無得就咁買，而且得酒店會有，amazon上有酒店細支裝賣，不過勁貴。BUT I LOVE IT ANYWAY! 

全間浴室我最中意呢個corner位，設計得好雅致

去到酒店設施部分啦。由於我事前都唔知係住呢間，所以無諗過要帶泳衣來游水，只好去gym健健身。Gym、泳池、美容沙龍都係同一層。有預算的可考慮按個摩既...（泰式按摩1小時RMB680 好似係，well，出去揼仲好啦～）

由gym房望去泳池
泳池係室內恆溫，再行入啲有按摩浴池和焗sauna

我就好努力咁運動消脂

gym門口係個電視，咁岩係奧運羽毛球男單金牌戰
我做住situp咁黎睇李宗偉！！嗚呀！

有乜感想？如果萬達係想打造「文華」般的高端酒店，的確有達到佢的目標，做得好好，比唔比得上MO我就唔清楚啦，不過肯定比得上國內絕大部分的酒店。職員服務友善（除左停車場有一位唔理人的職員），設施都好好（畢竟係新開），可惜未有試酒店的自助晚餐和早餐，因為都出左去食飯和飲早茶，以致體驗未夠完滿。

會唔會再來？會～下次想試下個泳池！或者參加下短線團來個兩日一夜getaway，當日都有大航假期和達美之旅的團來到呢間酒店，聽講團費都係HKD700咁上下，包buffet早餐，相當抵玩。

再送上酒店夜景

東莞萬達的日與夜

好易認
不過想提返 － 萬達廣場夜晚都係好鬼光（光污染）同埋有啲音樂有啲嘈，我住19樓唔多覺，但係在6樓的gym就感受到啦，住低樓層的要注意。

食完晚飯打「滴滴」車返黎
「滴滴」係大陸真係好方便，who takes taxi now?

閃令令的大堂

東莞萬達文華酒店網址：www.wandavistadongguan.com
hotelscombined傳送門：www.hotelscombined.hk

Factbox: 家人負責訂房，詳情唔太清楚。根據Hotels.com，週末房價大約係HKD700-800。

延伸閱讀：

〔廣州住宿〕廣州富力麗思卡爾頓酒店 The Ritz-Carlton, Guangzhou
〔澳門住宿〕澳門喜來登Sheraton Macao