對上一次去東壩已經係幾年前，今次再來東壩，又係夏天，又係極好天的烈日當空，又熱到差點中暑，不過今次多了一個景點－海蝕洞木橋！
 |
| 地質公園 |
熱辣辣梗係去行山啦！（大誤）
今次重遊東壩，其實係聽講個度新建了一條木橋可以近距離去看看海蝕洞，咁我和男朋友正正寶
（被逼要在文章入面讚佢）就決定去行下，又可以順便當做下運動burn下fat。就係上個月的一個星期日，我們參加一個社企導賞團，由西貢直接載我們到東壩，回程又會帶我們回到西貢，都幾方便。
好耐未出動過我部baby單反！事不宜遲，出相！
 |
| 一落車就見到的靚海景－又藍又正！ |
 |
| 望返萬宜水庫方向，直望都係一大片六角柱石壁 |
 |
| 中國香港世界地質公園 |
在坐車進來時個30分鐘車程中，導賞員就講解下，其實香港地質公園好大，分2大園區、8個景區，以世界罕見的六角火山岩柱群、多樣的海岸侵蝕地貌和完整的多個時代的沉積地層爲主要特色。位於東壩的「萬宜地質步道」就屬於糧船灣景區。
香港地質公園在2015年獲聯合國教科文組織列入世界地質公園名錄，係世界級的地質公園，其實好威水架！
 |
| 東壩180！ |
 |
| 全港最大儲水量的萬宜水庫 |
 |
| 破邊洲就係防波堤對外那個獨立小三角形的島，係比自然力量劈開兩半的山體 |
沿住個東壩行入去，再順住馬路來到壩底。
 |
| 新建成的木橋，方便參觀海蝕洞 |
 |
| 係幾方便既～ |
話說，未起條橋之前，我早幾年來過東壩，水退個時呢係可以直接行入個洞入面，當然始終會濕少少腳啦。依家呢，水退都行唔入啦條橋阻住晒。
 |
| 海蝕洞－ 入面可以裝放海盜寶藏的地方！（誤） |
海蝕洞的形成都好顧名思義－咪係海水侵蝕出來囉。越蝕越入就會穿到過去對面，咁就變海蝕拱。西貢附近海域係有海蝕拱，甚至可以坐船仔穿過去，應該幾過癮。
 |
| 海蝕洞附近望返上個防波堤（即係保護東壩的堤） |
 |
| 由東壩行落去個時已經會經過最出名那一幅石壁，我在木橋上影返轉頭。 |
 |
| 最出名的呢幅，呢個扭紋位！ |
 |
| 慢慢碌返去石壁處 |
 |
| 防波堤向海的錨形石－其實都幾危險，石縫都好大，最怕跌電話呀媽呀！ |
 |
| 上返斜，都幾係野架。無遮無掩，三十幾度熱辣辣，向上爬 |
就咁樣，返到當東壩唯一的涼亭休息！由於係星期日假期，涼亭係迫滿人既。
整個「萬宜地質步道」由落車到行落去海蝕洞到返上黎，睇落好似好近，不過來回都要大約一個小時。
要注意的地方有：
- 無自動販賣機－ 無水賣架，記得帶水！記得帶水！記得帶水！因為好重要要講三次！
- 洗手間係流動旱廁－無水沖廁、無水洗手，貴客自理。
- 帶防曬帶帽帶遮－ 好曬好曬好曬！好少遮蔭位！
- 垃圾筒數量好少－自己垃圾自己帶走，okay？
- 要愛護環境－ 唔好隨手丟垃圾，尤其唔好污染個水庫，大佬呀啲水係香港人的飲用水黎架！
由於距離回程還有少少時間，我們就去了前往浪茄途中的一個涼亭行下睇下風景，離東壩涼亭大約15分鐘上山步程啦。去到個涼亭仔就完全唔想郁，熱到傻，吹下風就算，呢個位距離浪茄只係再多15分鐘步程，不過以我們的狀態和咁炎熱的天氣就回程一定好攞命，就算啦！
 |
| 下面就係浪茄，好多junks，勁開心囉！ |
 |
| 影浪茄對出少少的海面，又有幾個海蝕洞 |
 |
| 曬到呢面容扭曲，身後係萬宜水庫 |
After all，咁值唔值得去地質公園呀？值得。我們到外國會特登去睇當地的大自然景色，why not 欣賞下香港的獨特風景呢？而且景色怡人，又可以當行下山，又有教育意義。
咁使唔使跟導賞團？如果你想有固定交通，又想知下好brief的地區歷史（地質和石柱有關的資料係去到睇資料板架！），又想支持社企，咁導賞團係幾好既！不過星期六日其實好多人自己坐的士入東壩，所以長期有車龍排隊車你出黎，如果唔志在講解，搭的士會坐得舒服啲，而且幾個人夾埋車費唔會差太多。
Factbox：跟左「拉闊自然」的導賞團連來回交通 HKD＄90，有得單賣車票每程HKD$50。網址：
www.ecotoursaikung.com
d 相影得唔錯
回覆刪除Hello! 多謝支持 :)
刪除