浮世志: 〔慕尼黑〕德意志博物館的5件必睇館藏

精選 5 件必睇的德意志博物館展品－滿足對世界的好奇心

德意志博物館入口

德意志博物館 Deutsche Museum 是世界上最大的科學博物館，開放於1903年，全館共有6層、35個展區，每年迎接130萬訪客。

展覽內容包括阿爾塔米拉洞窟（古代洞窟）、無線電、天文學、陶瓷工藝、測時、計算機（電腦）、傳統發電、再生和潔淨能源、環境研究、測量、玻璃吹製、玻璃工藝、航空發展、博物館歷史、動力機械、船舶航海、數學、計量計重、冶金、微電子、礦業、樂器、納米和生物技術、海洋學、造紙、藥劑、物理、機械工具、玩具和兒童王國，還有一個天文館和聯邦總統獎特展。

係就係好多野睇，咁點解一定要來德意志博物館？因為⋯⋯

「德國的科學力是世界第一」（出自一動漫對白）（笑）

動漫的背景雖然係講緊納粹德軍（no offense），但德國一直以來都是多個科學領域的發展搖籃，尤其是物理、數學、化學和工程學。即使在二戰之前，德國已經在科學範疇比其他國家產出更多的諾貝爾得獎者，舉個例：最出名的德國科學家又點少得提出相對論的現代物理學家愛因斯坦（Albert Einstein）？

在館內走走逛逛了大半天，以下係我精選了5件個人認為必睇的展品/展區：

第5位萊特兄弟的飛行者一號（Historic Aviation區）

世界上第一次有載人飛行器可以持續並受控地進行動力飛行，就係由萊特兄弟 Wright brothers 在1903年發明的「飛行者一號」，成功完成人類由古至今一直不斷挑戰的飛行夢。飛機被認為係20世紀對人類影響最大的三大發明之一，另外兩樣係電視和電腦。

貼身啲講，飛機的發明對喜歡旅行的我們影響有幾深遠，想像一下「去歐洲旅行」呢件事，原本要用上幾星期的火車/船旅程大大縮短到十幾個鐘，將世界大大拉近，對喜愛旅遊的人唔係好有特別的象徵意義嗎？

飛行者一號模型

第4位 Enigma密碼機（Computers區；Cryptology）

唔知你有無睇過電影《解碼遊戲 The Imitation Game》呢？有既話對呢一部德軍加密機應該唔會陌生。

電影故事簡介（節錄自Yahoo電影）
二戰期間，劍橋天才數學家圖靈 (班尼狄甘巴貝治飾) 獲英軍秘密任命，試圖破解由納粹德國獨創，號稱世上最精密的情報系統─「Enigma」密碼機。性格孤僻的他終日埋首研究，只望盡快發明自動解碼儀器，過程遭遇重重挫折，幸好在聰敏漂亮的新成員 (姬拉麗莉飾)的鼓勵下，圖靈主動打破和同僚的隔閡，最終合力研發出破譯敵方機密的裝置，促成二次大戰結束，超過1400萬人得以避開戰火，而世上首台電腦亦宣告在那刻誕生。然而這位解密專家，背後隱藏著不容於世的秘密，戰後多年，他竟遭揭發性取向而被英國政府入罪…

除左係對加快二戰結束有貢獻，圖靈為了Enigma 所創造的解碼機 Turing Machine 更被認為是首部現代電腦，成就非凡，好可惜因為保密協議，圖靈一直都只係好低調地專心做學術研究，做個無名英雄，後來卻因為性取向被當時英國政府迫害，直到1954年服藥自殺。

在2009年，有超過3萬人請願要求英國政府就當時的定罪向圖靈道歉；到2013年，英女王正式赦免1952年因同性戀行為被定罪的圖靈。

電影在2014年上映，飾演Turing的Benedict Cumberbatch真係做得好好，當時我入場睇到最尾真係眼濕濕。

故事由此開始⋯⋯

呢兩部Enigma亦係博物館精選Masterpieces系列的展品之一

第3位高壓電示範（Electric Power區）

其中一個最受歡迎的博物館項目－高壓電示範 High-voltage demonstration －每日會進行兩次示範，實驗包括製造閃電，和Faraday Cage（見下圖左上角個波），博物館職員會坐入Faraday Cage，吊到3米高再用幾十萬伏特的電壓擊中個圓波cage。放心！個cage入面係絕緣物料，職員完全安全無事。

實驗進行中

人造閃電

第2位伽理略實驗室（Physics區）

唔係福山雅治咩？（喂）

哈哈～唔係日本個神探伽理略呀！Galileo Galilei 係意大利人黎架！伽理略被譽為現代科學之父，對物理學、天文學、數學和哲學的影響深遠。他完善了牛頓的運動定律（Newton's Laws）、改良遠望鏡、發明溫度計，還有支持哥白尼的日心說，不過呢個說法同當時羅馬教廷所講的地心說有衝突，教廷就判定他是異端人士，一直將佢軟禁係屋企。根據傳說，伽理略被迫放棄他的說法之前仍喃喃自語咁話：「E pur si muove.」（即係And yet it moves / 但地球仍在轉動）

這個仿伽理略實驗室旁更放置了幾個裝置，示範簡單物理，例如free fall重力加速度實驗、滑輪裝置系統等等。

伽理略其實唔係偵探呀！

均等加速運動學

第1位採礦展區（Mine區）

WARNING：如果你有幽閉恐懼症，或者唔能夠忍受係黑暗的地底空間逗留超過半小時，建議你再三考慮入唔入去。

博物館的Mine展區係一個仿礦洞迷宮，真實呈現採礦場內部的情況，而且係單程路，一入去就要一直向前走晒整個展區為止，展線全長大約500米，兜兜轉轉，佔地3層，中間偶有正常的展廳展示展品。如果係略略急步快走再加少少時間影相睇下展品，大約要半個鐘先行得完。

因為好逼真，所以好推介大家來睇睇由古至今採礦業的變化和發展，由公元前到現代的採礦技術發展，同了解下其實有咩礦物會被採出來～