去慕尼黑睇拜仁慕尼黑 @安聯球場Allianz Arena - 2019/03

早幾年來過慕尼黑，當時寫了不少景點，今次第二次來到，逗留既時間更短，直接來到重頭戲 – 到安聯球場 Allianz Arena睇德甲球賽！

在計劃行程時本來是想去法蘭克福的球賽，但出發前大約一個月改期，所以老公就買左慕尼黑的場次 – 拜仁慕尼黑對美恩茲 （FC Bayern vs FSV Mainz）。

我們在Marienplatz閒逛一會就搭U-Bahn去安聯球場（fröttmaning站）啦！球賽日會好多人一齊去，唔怕唔識去。

由地鐵站出口大約行十幾分鐘，沿途會經過唔少賣黃牛、小食車、賣啤酒店、紀念品店、超大個area但都係泊滿車既停車場，還有臨時廁所，一步一步行近球場。入場個時有男女分開既security checking，充電尿袋和自拍棍/腳架都唔可以帶入去，不過有得臨時寄存於入口處，由於好多人一齊入場，我們又無預早好多時間，入到去搵到自己個位個時就已經得返15分鐘就開場，連官方fanshop都無時間去。

作為山頂的朋友，我們坐在全場最高最尾幾行，整個球場可以容納7萬5千人，近乎坐滿，好多人睇落已經飲醉左，至少佢地手中都係一大杯啤酒。其實3月中天氣還是好凍，飲啤酒就真係……不了。

好！開波啦！整個球場氣氛好好，不停有人唱歌吶喊打氣聲。至於球賽有幾精彩我就唔多講啦lol總之， 拜仁慕尼黑大勝美恩茲 6比0。呵呵。

完場個時勁大雨，好彩我和老公都係穿著防水外套，照淋雨都唔怕，不過其實全部人都係咁淋雨，無乜人有帶遮。幾萬人一齊散場，湧到地鐵站，不過好快就上到車返市區。

最後，我們去了HB皇家啤酒屋食晚餐。老實講如果呢度唔係慕尼黑最出名的餐廳，點都想試一試，我們應該唔會再來啦，服務一般、食物一般，差唔多既價錢我寧願食新市政廳地底個一間，至少服務好少少。

HB皇家啤酒屋live band

住宿：

Arthotel ANA Diva，一流，大推。雖然酒店距離慕尼黑中央火車站大約十幾分鐘步程/幾分鐘Tram程，附近無乜好就腳，但是服務很好，感覺很好，房間新淨設計有art sense，最緊要係咁凍天時有免費熱飲，有茶有咖啡，雪中送炭。我們亦另外加錢食早餐，mini-buffet形式有熱食！正！亦是老公係今次歐遊行程中最喜歡的住宿。

延伸閱讀：

• 2019 歐遊兩星期蜜月行程概覽（德國、奧地利、克羅地亞）
• 在法蘭克福的24小時
• 克羅地亞自駕遊經驗分享