THE HILLS ARE ALIVE IN THE SOUND OF MUSIC⋯⋯
在奧地利的第一天醒來，就到酒店樓下的麥當勞食個Vienna Breakfast，其實都係兩個麵包加3隻醬，再加杯熱茶，盛惠差不多€4，令人不禁想掛念香港的扭扭粉早餐。我們兩個人叫2個餐集齊6隻醬，最好食係橘子醬，最普通係Nutella，anyway 外面凍冰冰，有啖熱茶係值得開心既。
 |
| 歐洲M記別有一番風味 |
之後到Hbf火車站內的tourist info center買2張Salzburg Card，€26一張，基本上包晒景點和交通。坐25號巴士到第一個景點 –
溫特山Unterberg，Salzburg Card包埋溫特山纜車來回，咁我就一支箭衝左上山，而老公選擇留在山腳等我。
 |
| view from bus |
溫特山有1,973米高，屬於阿爾卑斯山脈的其中一段，山體感覺就好似一舊大石在平地向上崛起，而纜車車廂好大，可以企十幾廿個人，往上升的體驗有點似華山個一種極斜極險的刺激感，尤其經過了位於山腰的支塔後，整卡纜車衝入雲海，風雪啪啪啪打在車廂，有啲恐怖，但架纜車又幾穩啵﹗
 |
| 整卡纜車衝入雲海，風雪啪啪啪打在車廂 |
纜車職員話其實有行山徑可以行上溫特山頂，大約2-3小時就okay。 我眼見就……其實風雪已經遮左條行山徑，不過睇得出都幾斜。
The Cold Never Bothers Me Anyway
 |
| 橫風橫雪 |
上到位於1,776米的山頂纜車站，未出戶外已經feel到寒風凜冽，即刻著返啲裝備，頸巾、冷帽、手套、外套一路穿著防風防水的羽絨褸/雪褸，還有必不可少的是太陽眼鏡。由於出面橫風橫雪，一片白茫茫，無太陽眼鏡，根本睇唔到路，更唔好話要去到山頂個十字架。
事實係我都無行到山頂個十字架，因為沿住路標杆行到一半，大概係去到一個斧頭雕像的附近，前面條路向下斜得好緊要，而且無腳印無人行過，更唔知啲雪其實有幾厚，又唔知條路實唔實，我唔敢再行。
 |
| 離遠終於睇到山頂個十字架（綠色箭咀） |
 |
| 車站附近的小屋（無開的餐廳） |
決定打道回府，係行返去纜車站的途中，風雪和雲霧開始消散，能見度上升，離遠終於睇到山頂個十字架，when I say離遠，其實真係離好遠，遠到don’t even want to try 行上去。即使如此，就我企在纜車站附近的位置，景色望落都唔錯架，一片遼原，有種大地在我腳下的感覺。夏天來的話應該很不錯，冬天的話都算係體驗下Frozen的滋味。The cold never bothers me anyway.
 |
| 今次玩新野，拍旅遊vlog |
 |
| 其實真係好高好斜 |
纜車半個小時一班來回，我好快就碌返落山。與老公會合後就回到
薩爾斯堡的Old town主街，食左個幾好食的熱狗 —
Balkan Grill Walter — 這間店應該好出名，要排隊，又唔貴，一個熱狗夾住兩條腸都係€3.8，咖哩粉加埋啲調味料幾惹味。然後行下街，買下手信。
 |
| 名物Balkan Grill 熱狗 |
由於Salzburg Card包埋，我地行埋莫札特出生地，雖然說我們兩個也是曾學過鋼琴彈過莫札特曲譜的港孩，不過本身對音樂/莫札特興趣不大，但有時間還是可以逛逛的景點。
 |
| 莫札特出生地 |
薩爾斯堡出名的除了莫札特，還有他的莫札特波，雖然唔知莫札特和莫札特波有乜關係，但一街都有賣紅紅金金的朱古力波，試下又無妨既。不過最古老最正宗的只有一家，就是位於主教宮廣場附近的
Cafe Fürst，包裝是銀藍色的，我們買了一盒4粒有包裝的（大約€8咁上下），再額外單買了一粒（€1.6好似係）自己試食，OMG，係普通朱古力味再入面包住一pat 焦糖，我寧願買Lindor。
 |
| Cafe Fürst的莫札特波 |
 |
| Salzburg old town |
我們向薩爾斯堡要塞進發。中途會經過大教堂和薩爾斯堡金球人。用Salzburg Card搭埋纜車（山頂纜車個隻）上去一出門口轉左就睇到整個薩爾斯堡市區，風景都幾靚。沿住樓梯上，就進入了中世紀的世界。
 |
| 金球人 |
 |
| Salzburg old town |
洗牛者的故事 The Bull Washer’s Story
我們無點研究過薩爾斯堡要塞應該要點行，都係見到路就入，見museum就行下。其中一個展廳就講到薩爾斯堡人又被稱為
洗牛者 Bull washer，起源就係來自一次圍困薩爾斯堡要塞，圍左一段時間糧食都差唔多食晒了，有個人諗到將要塞內最後個隻牛牛塗﹗顏﹗色﹗日日都塗不同顏色，然後係窗前show比敵人睇，see? 我們日日都有唔同牛牛，大把牛肉食，你們困城都奈我們唔何，然後敵人就知難而退啦﹗咁因為隻牛牛油左顏色要換梗係要洗啦，所以薩爾斯堡人就有洗牛者呢個稱號啦﹗
 |
| 就像是一個在山頂上的小村莊 |
最後臨落山之前，係纜車站另一邊行下，原來係對住今早去過既溫特山風景，個腦即刻響起The hills are alive in the sound of music～～～可惜冬天時間要塞上的餐廳cafe都無開，唔係整杯野飲係山上曬下太陽睇下風景都唔錯。
Overall，薩爾斯堡要塞充滿中世紀的歷史痕跡，不花巧、不華麗，很有德國那一種沉實建築風格，與我們之後去既Dubrovnik古城都係中世紀的但感覺又好唔同，兩個我都好中意，好值得去。
之後我們碌返落山，再去埋Mirabell Palace……個花園，就係The Sound of Music拍攝場地啦﹗我們逗留左一陣，同啲大量中國韓國的大媽大叔爭位影夠相，就閃啦﹗
 |
| 正面對著薩爾斯堡要塞的Garden at Mirabell Palace |
 |
| The Sound of Music （網上圖片） |
最後，在Old Town既Nordsee食了一餐不過不失的晚餐，再坐返巴士返酒店啦﹗
 |
| Nordsee晚餐 |
住宿：
H+ Hotel Salzburg，不特別另開一篇文章詳談啦，基本上一個字「近」﹗這酒店超級近Salzburg Hbf火車站，一出站就見到，馬路都唔使過，樓下有超市SPAR、dm、Starbucks和麥當勞，還有Burger King，對面係巴士站，超級方便，特別適合夜乘火車來到薩爾斯堡以及要一大早離開的我們。我們住在4樓尾房，條走廊好長（無錯我淨得呢個印象），房內佈置好簡單、舒適、現代，張床幾舒服。呀，呢度有gym有sauna既，不過我們就無用過啦。
延伸閱讀：
沒有留言:
張貼留言