 |
| 羅馬廣場 |
事緣點解選擇了法蘭克福作為我們honeymoon的第一站，係因為早在我們幾個月前買機票個陣本身諗住可以一落機就去睇個場scheduled左係星期六的波，睇完先過慕尼黑，結果臨出發前一個月咁上下這場波改了期到星期日，但火車和住宿都已經book好了，最後……我們睇星期日拜仁慕尼黑對美恩茲。
對法蘭克福的第一印象就係好污糟，條主街勁爆污糟，好多垃圾、好多塗鴉（唔係Banksy個啲呀係破壞公物個啲呀），巴黎都無咁污糟（呢個係好認真的比較）。
有人話法蘭克福似香港，都係CBD呀、金融中心呀，哈哈哈……are you serious?? 除左條主街好多中國餐廳有啲中文字，有幾棟係玻璃幕牆的大廈，我睇唔出有邊度似香港。
還有，治安很普通，大街上人好少，有既都係好多看似無業遊民的人在大街上遊蕩，我們晨早出來走走都遇到唔少，甚至醉鬼，清晨6時酒店附近有間酒吧內還是人頭湧湧，唔係早開門食早餐呀係人地未收舖呀。在呢個城市，你唔會想夜晚自己一個人出街。
至於景點，法蘭克福的景點主要集中在Old Town，Frankfurt Hbf火車站一出黎直行十幾分鐘就到，包括羅馬廣場、Iron Bridge、歐元塔、小市場大廳、歌德故居、主塔、幾間教堂、幾間博物館，仲有百貨公司等等。嘩，聽落唔少喎，頭3個我們真係去左，後尾幾個我們係無地方要搵地方去，去左又未開/唔開，或者根本一點都唔吸引無諗過要去。
由於我們去到jet lag加上天氣好凍，第一日我們去到食左個lunch，去到歐元塔前面影了兩張相就回到酒店直接昏迷，第二朝晨早起身出動，好多景點唔係星期日唔開太早未開就係好似hit左 checkpoint就算咁，唔知自己有乜可以做，好迷茫。而且，如果去過或將會去德國/歐洲其他城市，一有比較，法蘭克福這些景點都真係可以慳返時間唔使去啦。（認真，克羅地亞Zagreb都夠悶但同法蘭克福一比真係悶到抽筋）
 |
| Euro Tower |
 |
| Iron Bridge |
 |
| 是日lunch menu中的chicken burger |
Anyway，我想指出既係，法蘭克福真係唔係一個旅遊城市，唔岩遊客玩。
Having said that, in case行程安排左去法蘭克福無得改，以下係少少資訊可作參考。
機場交通 — 我們一出法蘭克福機場沿指示就去到機場個火車站，在櫃枱*買好去市中心（即是主火車站 Frankfurt Hbf）的火車票，大約5歐一位，10幾分鐘車程就搞掂。
*我地有嘗試用售票機但唔識用，督來督去都係收20幾歐，又唔收大額歐羅紙幣；無買day pass係因為我們其餘時間都係用腳行。
酒店住宿 — Hotel Cristall，細細間，張床幾舒服，welcome drink送你一支大大支水和紅酒，地點係正火車站隔離，wifi速度正常，唔適合好多行李的朋友，因為這間酒店有電梯都係要走幾級樓梯。Fyi，泊車係街泊咪錶，無private parking。
咁真係有無景點可以行下？個人覺得羅馬廣場、Iron Bridge和博物館岸（即係美因河岸邊）係有啲特色，可以去睇下既。
 |
| 小市場大廳 |
其他注意事項 —
1. 唔好係法蘭克福火車站入面買麵包/食早餐，環境好麻麻又貴，火車站正對面主街方向行過馬路有間麵包店又大又正常又平啲，仲好食啲添。
2. 由法蘭克福到慕尼黑的ICE 火車程好多人，多人到要坐地下，餐卡都爆埋，如果想坐座位，一定一定要加錢reserve座位﹗
沒有留言:
張貼留言