好方便、唔使煩，一日剛剛好去晒水上市場、鐵道市集和曼谷夜市Asiatique！
懶到一個點 － 在唔想plan行程的時候就會睇有咩one day tour可以join，睇左幾個網上旅遊體驗平台，發現KKday有曼谷一天遊，咁岩會去水上市場和鐵道市集呢兩個我和男友都好有興趣去的景點，最後個解散地點仲要係Asiatique，完左可以逛夜市，perfect！兵貴神速，出發前唔夠一星期先來預訂參加，報團成功！
水上市場
KKDay行程連結：
【精華曼谷之旅】水上市場＋鐵道市集＋河濱夜市
我地報的是Plan B，唔騎大象，而係去參觀樹中廟。在KKday網站報完名之後等了一日就收到final confirmation和集合資料等等。
安排了在旅程的第2日參加一日遊，這一天好早就起身食早餐啦～呢日酒店仲唔知點解早左開早餐時段7點有得食。（我在
酒店review 特別記低呢三日的早餐，因為實在好好食～）
食飽就步行到集合地點 － Asoke Exit 5 個McDonald，我去到個時還早，在M記內等左陣就見到導遊拎住「樂活旅遊」的牌來接我地啦。同團仲有另一對情侶和一個單丁的台灣姨姨，total 5個人。
我地個團的座駕
大約可以坐12人，不過我地total都係5個人，好鬆動
導遊叫小揚，英文名叫Bank（呢個名真係不得了！含金量高），泰國人，講國語的，在我自己聽落就似台灣腔既，不過同團個真．台灣姨姨話小揚係明顯泰國腔，不過呢啲野我又點識分呢？
由Asoke去第一個景點－ 水上市場，要坐大約1個多小時的車程，可以在車上好好補眠。
好啦我地其實已經離開左曼谷，就來到碼頭上船啦！
我地坐電動船，右邊就係呀Bank啦
飛馳水面
來到好迫的市集啦
主要都係有生果、泰國風情擺設、以及食物
來多一張市集相
來到水上市場，個人覺得一定要係船上做點事先叫係來過，唔係就唔使坐船咁多餘啦，所以我買左好出名好食的湯米粉係船上食，好正！因為真係好好食！
登登登櫈！好好食！
60泰銖一碗（其實貴左，正常應該around 40泰銖），當係買船上體驗啦，何況真心好食，好食過之後在岸上買的另一碗。
好食的東西，係會食飽左早餐都會想食埋佢架！
由於天氣好熱，所以買埋椰子雪糕來食。
呢個雪糕成70泰銖，仲貴過個麵（正常應該都係around 40泰銖），我地無劈價，不過無所謂啦，多左個30銖當買風味和呢朵好instagramable的蘭花啦 lol
整架船得我地兩個人有買野食食食，哈哈哈～
市集水道其實就係得咁闊，你以為曼谷先有塞車，呢度都有塞船架！
遊完船導遊就車我地來到岸邊，未食野既可以呢個時候食
來到水道兩旁，都係行下手信店在餐廳食下野，仲有得比錢同大蟒蛇影相，不過我就無咩興趣啦。
just a reminder － 見到呢隻生果唔好買，導遊話好難食
呢碗係男友呀寶的 － 無船上買個碗咁好食囉～
坐係水道旁食野又係另一種風味
由於驚鐵道市集無野食（其實有）又唔夠餓，我買左個40泰銖的芒果叫嬸嬸切埋比我
食到最尾先醒起影相，味道ok既唔係好甜，不過有渣
之後我地又上返車去下一個景點 － 樹中廟和泰拳公園。
呢個就係樹中廟
座廟就400年歷史，棵樹呢就200年，係菩提樹，生生下就包住左座廟。講起菩提樹我就諗起李嘉誠誠哥係慈山寺種個棵，係斯里蘭卡國寶，據說係佛祖在印度個棵菩提樹下得道的分枝，連落葉都係國寶，偷偷拎走係刑事。
正門 － 香火鼎盛
泰國的寺廟買香燒會有一小塊金箔讓你「痴」係佛身上，黏頭求智慧，黏手求財喎。
隔離好似係古時話要起座廟個個泰王（詳細唔記得）
泰拳公園
如果係夜晚來到呢個泰拳公園，應該會好似入鬼屋咁嚇親。
隔離有個馬場 － 好多小馬
逗留左大約半個小時就去下一個景點 － 美功鐵道市集，即係大名鼎鼎有火車經過就會快速收檔開檔的鐵路街市。
呢度係火車經過後會停一陣上落客的車站
好多鹹魚勁多鹹魚
菜檔有滾輪可以快速後退
basically係一個街市，對遊客來講應該無咩好買
鐵道市集每日大概有2-3班火車會經過，我地要睇既係2:30pm個一場。趁還有少少時間，我地去左飲泰式奶茶和食餛飩，都係導遊推介的local野，都幾多人去好似幾受歡迎。我地呢日真係食左好多野 lol
真心好多人食的餛飩店，應該真係好出名，就係車站向路軌方向在車行大街向右行
正所謂高朋滿座、餐廳有中文menu
份量唔係好大，無記錯好似係40泰銖一碗， 真係幾好食，我唔肚餓都食得晒
來到重頭戲啦！我拍左片影火車經過市集的一刻。
VIDEO
埋站啦～埋站啦！！！
埋站火車任影
好舊式的火車
睇完火車就完成左個tour的最後一個景點，返上車就回程啦。又係坐個幾小時返到曼谷市中心，大約5點咁上下就到Asiatique，無乜點shopping就係行下逛下食埋個dinner就算～
最後一站就到Asiatique啦！更新待續！
利申：This is NOT SPONSORED. 真金白銀自己比錢參加，每人HK$260，有得儲Asia Miles，要留意KKday係台灣註冊商戶的，碌信用卡有機會收DCC，即係用mastercard簽海外商戶用港紙埋單時所產生的手續費。
沒有留言:
張貼留言