如何用instagram抓住東京的最後一片春天。
四月底來到東京的我感到好尷尬，因為櫻花期已過，本來諗住得一日free time就去新宿shopping就算啦，就係我坐緊山手線去新宿駅的時候，靈機一觸點開instagram睇睇附近的最新相片，點知入眼一片粉紅（！！！），嘩嘩嘩仲有櫻花！！！！？？？即刻點開地圖去新宿御苑！
Instagram真係好偉大！
 |
| 入場地圖 |
由新宿駅行去御苑大約10-15分鐘，由「新宿門」入，入場費200yen。由於已經係花期尾，人多得來唔算人山人海，據我一位在日本工作的朋友說，3-4月花見期的御苑入場人龍可以長到繞住個御苑一周。
新宿御苑本身係江戶時代一位藩主內藤家宅邸所在地的一部分，後來成為日本皇室的所有地，於1906年修建為皇室庭園，並在二戰結束後開放給民眾參觀。這個東京都內的綠洲佔地58萬3千平方公尺，包含日式庭園、法式幾何庭園及英式風景庭園，以春櫻及秋楓美景聞名。
亦由於佔地太大，我入到御苑就拎左一份地圖，地圖mark晒櫻花樹的位置，就淨係衝住櫻花樹去。地圖背後係春天花見圖鑑，亦解釋了點解四月尾來到東京都仲可以睇到櫻花，上圖有黃色圈圈label貼住既就係當時「Best Season」的花種。
八重櫻 － 開放時花瓣層層疊疊，所以每一朵花都繁茂錦簇，予人華麗燦爛的印象，盛開時襯有綠葉托底，唔似大家最鐘意的吉野櫻、河津櫻咁一片純粉紅。觀賞期正正就在4月中下旬。
所以，無錯，我睇到的八重櫻係屬於「滿開」的狀態，風一吹就出現左我最期待的畫面 － 櫻吹雪。
 |
| 我勁興奮咁圍住棵樹係咁轉！！！ |
 |
| 啲櫻花好似係壓落你度咁！ |
 |
| 嗚呀 |
同韓國的櫻花有啲唔同，韓櫻樹通常生長得好高，而這裡的樹就好似會彎腰伸出手親近遊人咁，但大家最好就保持距離愛護下櫻花樹啦。
 |
| 粉紅地氈 |
 |
| 在櫻花樹下曬太陽 |
由於我完全無準備會見到櫻花，連腳架都無帶，只能用iphone自拍影到自己大大個頹樣，真係好傷心。
 |
| 等緊風吹！ |
櫻吹雪出現的時候，由於啲花瓣飄得好散，好難影到，不過真係好靚，希望下次學定點影櫻吹雪再來。
 |
| 大大紮 |
 |
| 望住啲花心情真係好好～ |
櫻花真係好鬼馬，早幾年我特登去韓國追櫻都總係陰差陽錯擦身而過，在首爾時未開，在釜山時謝曬，又點估到一次出差就撞得中櫻花盛開之景。
 |
| 好開心，好多人來picnic！ |
 |
| 天氣涼浸浸來這裡曬太陽正好～ |
 |
| 同場加映－ 春天先會變紅的出猩猩（同我家中的一棵楓樹同品種） |
花見，大滿足！
新宿御苑
開放時間：9:00am-4:00pm（逢星期一休）
入場費：200yen
延伸閱讀：
〔2016 京阪行〕七日六夜京都大阪賞楓自由行行程參考
其他精彩旅程：
沒有留言:
張貼留言