 |
| 回民街 |
回民街 - 西安最出名的美食街，係當地回民聚集地，所以賣的都是回族小食。
來到西安，去完酒店放低行李洗個臉，就出來準備食晚餐啦。係計劃行程時已久仰回民街的大名，因為好多遊記攻略都介紹呢條街係「西安著名地標」、「人氣最旺」、「美食匯聚」，經過我們實地探訪，前兩點係真的，後面「美食匯聚」就唔太同意啦。
我們搭的士來到回民街的後門，可以一路行返去鐘鼓樓（前門）。下午6點多來到，人潮慢慢開始多，周圍的格局真係好似台北的士林夜市，只係條路闊啲囉～同埋四周賣的係無數的肉夾饃、好多間烤羊牛肉，仲有酸奶、羊肉泡饃、涼皮冰糕。
在搭的士前來回民街的路上，的士大哥都叫我地唔好對回民街抱太大期待，「又貴又不好吃」就係佢對回民街的評價（也是我們去後的想法），建議我們如果要找吃的就到東門的永興坊，來回民街「湊湊熱鬧就好啦」。（我們最後一晚到了永興坊，真係驚為天人！！！好食勁多囉！）
Anyway，既然plan左來食下野，就試下啦。未來過又點可以亂評呢裡值唔值得來呢？
 |
| 後門入口 |
 |
| 隨手抓拍 |
 |
| 隨手抓拍－其實條街都okay乾淨，有清潔大媽打理 |
行了一陣，就來到「清真賈三灌湯包子館」食我們的第一餐。
 |
| 攻略推介的清真賈三灌湯包子館 |
 |
| 麻醬涼皮 |
 |
| 我們其實叫左兩籠灌湯包，一籠牛肉一籠羊肉 |
灌湯包係陝西名吃，其實好似小籠包咁不過入面係牛羊，配酸辣醬汁（油潑辣子）點蘸住食，皮係薄，汁唔覺好多，有少少羶味，我就覺得味道一般啦。
 |
| 結論－ 最好食既竟然係蒜泥青瓜！！ |
 |
| 小伙子在店門口前打糖 |
 |
| 人頭湧湧 |
 |
| 其中一間好出名食泡饃的餐廳，但每隔幾十米就有一間，搞到我唔知究竟邊間先係真，定係間間都係假？ |
 |
| 鼓樓 － 就係回民街北院門另一面出口（前門） |
 |
| 鐘樓就係隔離大迴旋處中間。 |
鐘樓夜景係西安三大夜景之一，其他兩個係大雁塔北音樂噴泉和明城牆南門，都真係幾靚，幾夢幻。另一晚又來到鐘樓，還影到倒影添！
 |
| 亮了燈的西安市中心都幾靚 |
返去回民街繼續食。
 |
| 酸奶都幾好飲，帶埋個樽返屋企～ |
 |
| 10蚊一支烤羊串，成個嘴都係孜然粉和羊肉油，嗚呀，好鹹好香 注意：支竹佢地係會回收再用，介意勿試 |
 |
| 臨走食甜品－ 糯米造的桂花糕 |
西安的食物overall就係酸、辣、鹹，以牛羊肉為主，非常重口味，無乜蔬菜要小心便秘。我們後來去食肉夾饃、羊肉泡饃，甚至去老店西安飯莊，味蕾都始終無法學識享受這裡的食物。然而，旅程中去食過的海底撈和永興坊，對香港人/南方人來講，還是值得推介的好選擇，係一片牛羊肉海中的清泉。
第一日的行程，完。
走個時本來想搭的士，但在西安街頭截的士實在太難啦！！！！！！由於西安的士收費好平，起標先8蚊人仔，好多人都係打的四圍去，所以我們之後大部分時間都係搭巴士反而更方便。最後是日行程以偉大的大陸Uber「滴滴出行」作結，好快等左幾分鐘就有人接我們返酒店，第一張單有折，埋單先4蚊，港紙呀！
延伸閱讀：
2017年5月．七日六夜．西安遊記:
Day 1 香港往西安〔飛行報告〕、（一日團旅行社接機） ； 回民街、鐘樓
Day 2 陝西歷史博物館 ； 大唐芙蓉園 ； 〔海底撈〕、大雁塔北
Day 3 【一天團】華清宮、兵諫亭、〔自助午餐〕 ； 兵馬俑、〔魏家涼皮〕
Day 4 【一天團】法門寺、〔法門寺素齋〕；乾陵、永泰公主墓、〔西安飯莊〕
Day 5 華山－西上北下：西峰＞南峰＞長空棧道＞北峰 － 玉泉院．開始夜爬
Day 6 華山－夜爬到東峰觀日台；西安明城牆；永興坊
Day 7 書院門、〔水盆羊肉〕、前往機場、西安返香港
其他精彩旅程：
2017年5月．七日六夜．西安遊記:
Day 1 香港往西安〔飛行報告〕、（一日團旅行社接機） ； 回民街、鐘樓Day 2 陝西歷史博物館 ； 大唐芙蓉園 ； 〔海底撈〕、大雁塔北
Day 3 【一天團】華清宮、兵諫亭、〔自助午餐〕 ； 兵馬俑、〔魏家涼皮〕
Day 4 【一天團】法門寺、〔法門寺素齋〕；乾陵、永泰公主墓、〔西安飯莊〕
Day 5 華山－西上北下：西峰＞南峰＞長空棧道＞北峰 － 玉泉院．開始夜爬
Day 6 華山－夜爬到東峰觀日台；西安明城牆；永興坊
Day 7 書院門、〔水盆羊肉〕、前往機場、西安返香港
- 2019年東歐（德國、奧地利、克羅地亞）蜜月之旅．行程概覽
- 〔清邁遊記〕4日3夜慢嘆泰享受之旅．行程概覽
- 〔德國．荷蘭〕歐洲12日春遊2016．行程概覽
- 〔台北〕投奔北投20小時
- 〔東京〕新宿御苑．抓緊櫻花的尾巴
沒有留言:
張貼留言