法門寺乾陵一天遊 Part 1之參見舍利、清心如齋
 |
| 金光閃閃的法門寺合十舍利塔 |
同前一天一樣，晨早7點半就黎酒店接我地上車，再到中轉集合站轉團車，呢日個團比前一天還要多人。導遊小谷上車就派耳機方便講解，佢的講解都幾有趣，仲有介紹西安的美食。
廢話唔多講 － 大約2個小時的車程就來到法門寺門口，法門寺真係好大大大大（回音）。
 |
| 門口大到痴線 |
由於佔地實在太大，導遊一早就講定要自費坐電瓶車（30元）。
 |
| 一行幾十人，一架電瓶車拖幾卡搞掂！ |
呢一日天氣勁好，大大個太陽曬到燶。無電瓶車步行唔夠10分鐘應該會中暑lol。
 |
| 兩旁有十八羅漢 － 聞說法門寺正準備幫佢地鍍金身 |
 |
| 兩旁再出現好多個不同的菩薩，有唔同寓意，保祐的東西都有不同，詳情請問問導遊。 |
 |
| 好大大大大大大個廣場，全盛時期係可容納幾十萬人來參拜 |
 |
| 行到熱辣辣 |
 |
| 入到殿內可以參拜佛像 |
 |
| close up! |
 |
| 在天台平台望返大廣場 |
午飯係在新建的法門寺建築內食素菜，有儀式跟住食，感覺好新鮮好得意，同埋有飯有餸仲有湯，真心好食，唔係好辣幾香口，唔夠又可以再添，唔錯架。
 |
| 要保持肅靜 |
 |
| 一餸一飯一湯 － 我覺得幾好食的一餐，在西安好難得 |
話說原址的法門寺塔係幾十年前因為地震震塌左（現時已經重建完成），所以先發現塔下有地宮收藏了好多唐代珍寶和四粒舍利，其中一粒還是真正的「佛骨」舍利，而其他唔係真佛骨就叫做「影骨」，我們都入到地宮走一圈。
 |
| 圖中就係法門寺塔 |
地宮入面我就無影相啦 － 始終舍利都係佛教聖物，亂影相好似唔係咁好。不過入面有個窿可以望入去真正的地宮遺跡。
 |
| 博物館 |
還有隔離的珍寶館，就存放了不少在地宮發現的珍品。
 |
| 當時放舍利個盒都有好多重－ 盒中盒咁保存住舍利，手工精緻 |
可以同舍利放一齊的藏品自然係當時皇帝們最貴重的寶物啦。導遊亦好快咁講解下啲收藏品，但我已經唔記得晒啦～哈哈哈哈！
 |
| 例如非常精緻的琉璃工藝 |
 |
| 茶具都好講究 |
由於天氣好熱，我們兜一圈舊法門寺就搭返電瓶車出返去。
之後就去下一站 － 武則天和李治合葬的乾陵和永泰公主墓。
Factbox：此一日團經螞蜂窩app報名，團費：每人人民幣249元，包門票、交通、午飯和耳機講解，自費項目：法門寺電瓶車30元。
螞蜂窩連結：（店家叫仙域旅行）
套餐A2：首站法门寺+乾陵（含素斋+永泰公主+耳麦）
法門寺：旺季門票120元；淡季90元。
延伸閱讀：
2017年5月．七日六夜．西安遊記:
Day 1 香港往西安〔飛行報告〕、（一日團旅行社接機） ； 回民街、鐘樓Day 2 陝西歷史博物館 ； 大唐芙蓉園 ； 〔海底撈〕、大雁塔北
Day 3 【一天團】華清宮、兵諫亭、〔自助午餐〕 ； 兵馬俑、〔魏家涼皮〕
Day 4 【一天團】法門寺、〔法門寺素齋〕；乾陵、永泰公主墓、〔西安飯莊〕
Day 5 華山－西上北下：西峰＞南峰＞長空棧道＞北峰 － 玉泉院．開始夜爬
Day 6 華山－夜爬到東峰觀日台；西安明城牆；永興坊
Day 7 書院門、〔水盆羊肉〕、前往機場、西安返香港
沒有留言:
張貼留言