西安三大夜景之一．大雁塔北音樂噴泉
 |
| 西安版「幻彩詠香江」 |
來到大雁塔北，本身諗住睇6點個場就去食晚餐，點知我地企個位唔靚，而且日間的噴泉表演真係無乜亮點，睇了十幾分鐘我們就一致決定去左食晚餐先再返轉頭睇8點半個一場晚上表演。
 |
| 日間的噴泉表演 |
 |
| 總係覺得唔夠好睇 |
我地下午6點半咁上下來到，店員話要等40分鐘，咁我地就係店內的休息區度等啦，最緊要有冷氣架姐，一入到去店員的熱情令我地有少少手足無措、受寵若驚，結果杯酸梅湯都未飲完，櫈都未坐暖，店員就話安排到包廂俾我地，仲唔使加包廂費，只需要8點半前交返張枱就可以，我們當然無問題啦！（2個鐘乜都打完啦）
 |
| 好健康的湯底 － 出面大廳個個打麻辣，我地就係乜辣都無 |
包廂內有一位專屬的職員服務我們，實在令人有一種覺得自己係殘廢的感覺，因為佢幫我地斟茶遞水，淥埋蝦膠，爭在未喂埋我地食，又同我地傾計講下西安景點，還溫馨提示我地可以order半份，咁就可以試多啲唔同的菜。呢度落單係用ipad的，相當方便，而且上菜超級快，呢頭落完單，5分鐘內幾乎上齊菜啦。
 |
| 真係好健康 |
Anyway，啲牛羊肉都好好食，overall都好好食，兩位母親大人都相當滿意。返到香港之後，媽子講返海底撈係佢在西安食得最好的一餐。
 |
| 花式拉麵 |
食到一半，我們又叫多round食物，其中一樣係拉麵條，仲有remark話包拉麵表演，就點了2條來試試，落完order唔夠5分鐘，就有個小伙子入到黎，真係花式雜耍拉麵，我地睇到o左咀，然後熱烈拍掌。重點係條麵真係幾好食，可惜我已經飽飽地，唔係叫返半打睇佢慢慢fing，哈哈哈哈哈！
 |
| 職員好有心，臨走時送上的生果盤附有祝我們旅途愉快的心意卡 |
食完好精彩的海底撈，又返黎來大雁塔北啦！音樂噴泉的確係夜晚去先正囉，日頭真係無乜看頭。來到池邊時已經人山人海，表演本身應該夜晚8點半開始，點估到你噴泉表演都可以delay，去到9點先開show，啲水fing fing下，加埋燈光和音樂，噴足半個鐘，係幾好睇。
 |
| 等左半個鐘，終於開始啦～ |
延伸閱讀：
2017年5月．七日六夜．西安遊記:
Day 1 香港往西安〔飛行報告〕、（一日團旅行社接機） ； 回民街、鐘樓
Day 2 陝西歷史博物館 ； 大唐芙蓉園 ； 〔海底撈〕、大雁塔北
Day 3 【一天團】華清宮、兵諫亭、〔自助午餐〕 ； 兵馬俑、〔魏家涼皮〕
Day 4 【一天團】法門寺、〔法門寺素齋〕；乾陵、永泰公主墓、〔西安飯莊〕
Day 5 華山－西上北下：西峰＞南峰＞長空棧道＞北峰 － 玉泉院．開始夜爬
Day 6 華山－夜爬到東峰觀日台；西安明城牆；永興坊
Day 7 書院門、〔水盆羊肉〕、前往機場、西安返香港
其他精彩旅程：
2017年5月．七日六夜．西安遊記:
Day 1 香港往西安〔飛行報告〕、（一日團旅行社接機） ； 回民街、鐘樓Day 2 陝西歷史博物館 ； 大唐芙蓉園 ； 〔海底撈〕、大雁塔北
Day 3 【一天團】華清宮、兵諫亭、〔自助午餐〕 ； 兵馬俑、〔魏家涼皮〕
Day 4 【一天團】法門寺、〔法門寺素齋〕；乾陵、永泰公主墓、〔西安飯莊〕
Day 5 華山－西上北下：西峰＞南峰＞長空棧道＞北峰 － 玉泉院．開始夜爬
Day 6 華山－夜爬到東峰觀日台；西安明城牆；永興坊
Day 7 書院門、〔水盆羊肉〕、前往機場、西安返香港
- 2019年東歐（德國、奧地利、克羅地亞）蜜月之旅．行程概覽
- 〔清邁遊記〕4日3夜慢嘆泰享受之旅．行程概覽
- 〔德國．荷蘭〕歐洲12日春遊2016．行程概覽
- 〔台北〕投奔北投20小時
- 〔東京〕新宿御苑．抓緊櫻花的尾巴
沒有留言:
張貼留言