浮世志: 〔台北遊記〕汐止食養山房．只緣身在此山中

吃一口禪意．無菜單料理。

食養山房的東方美學

每一次去旅行都總會計劃一啲重點項目，例如去京都著和服、去德國上雪山，等每個旅程都有個亮點，在回憶中留下最深刻的印象，而且因為已經計劃左好耐又好有期待，完成到個種滿足感真係好正好感動。

呢次來台北的重點項目就係來到「食養山房」品嚐「無菜單料理」，兼品茶。

食養山房係一間充滿日式禪意、簡約美學的無菜單料理餐廳，由師傅發板決定每日的菜單，店員會係你訂枱時問你食唔食素，其他既就唔使揀啦。你亦可以理解為台式mix日式的懷石料理，食物藝術感來講絕對係滿分，無論係環境定係菜式，樣樣都 instagramable（媽呀好港女呀！）。

signature dish！會開花的蓮花栗子雞湯！

抱住「山長水遠、一場來到」的態度，無理由食餐飯就走架？（其實淨食lunch都食左兩個半鐘lol）所以我訂的係「套裝體驗」，即係結合茶席文化體驗，每位2,200新台幣（含茶席體驗、料理套餐、服務費）。FYI - 淨係食飯唔品茶可以揀「料理套餐」，每位盛惠1,250新台幣（含用餐與服務費）。

計劃由兩個月前開始，因為食養山房只接受預約，而且遇上假期旺季更加要預個半月前訂枱，食飯前兩日要再打電話去confirm booking。來食養尤其推薦食午飯，因為可以感受下山野風光，夜晚就乜都睇唔到。

好啦時間關係，來到台北之旅第三日，要出發啦啦啦～

食養山房位置非常偏遠，唔自駕的話就只能搭的士，而搭的士由捷運南港展覽館站開始計都要40分鐘，由台北車站直接過來起碼1小時，所以要預好多時間來回，之後的行程唔好排太趕。我地呢一日搭捷運去到南港展覽館站再call 餐廳推薦的的士台叫車上山。

經過九曲十三彎的上山路，我地來到啦！
見唔見到我爸爸興奮的背影！！？

朝早10點半出發，未到中午12點，我地就到左6號茶室啦～上山途中會遇見一個職員企左係一個路口同你confirm報到，同埋指示你去邊個茶室（因為有兩個茶室）。

主樓入口轉角

我地個位－唔係主樓度架，係另一間細啲的屋仔

喝一口熱辣辣的烏龍茶，即刻暖返晒

好raw好田園的一角

隔離枱和出面的環境

我地算係好早到，就影下周圍。

我地枱窗外的風景

另一間房間

好啦－不如開席啦！

連上濕毛巾都咁gimmick，點玩呀？！

三杯飯前普洱口感甘厚

前菜！！！！粟米醬＋花生豆腐

松子帶子

脹卜卜的帶子

酸酸地好開胃的果凍

話說上上下菜個侍應同我地講廣東話講菜名。原來因為好多香港人都來食，多到侍應都學識左講兩句，咁岩今日就有好幾枱係香港人，我地隔離枱就係來自新加坡的。

靚到呢淨係食隻碟都得

炸物＋南瓜
我想講呢啲裝飾花都係真花黎架！

睇到呢盤真係嘩一聲，勁興奮。

海鮮拼盤

喝一口果醋清清味蕾

蘑菇炒飯

見到乾蓮花就知道要上Signature dish啦！

傻豬黎既你以為棵蓮花會自動開？唔係棵棵都會架，以上呢一棵係我手動用筷子篤出黎

一杯湯！

生果＋果汁－咩果打成的就真係唔記得了，不過肯定唔係平時會用來打汁的生果

真．甜品－芋蓉糖水

Overall來講，呢度的食物水準都好好，味道偏淡，清清地，配合清幽的環境，可以慢慢食，領悟養生之道。帶父母來到呢度，除左最緊要岩佢地食之外，啲餸又靚環境又正，等佢地返香港飲茶個時有得和朋友們分享，「唉呀最近去左台灣，呀仔呀女帶左我食懷石料理呀～個度好鬼靚架～」（師奶tone），咁你先係孝順仔女啦（帶父母去旅行係咁架啦）。

食左2個半鐘的飯之後，未．完．架！！！

因為我地個set包品茶，店員就帶我地返上主樓的2樓一間房仔，叫我地係度休息5分鐘，沈澱下個人，靜下心來感受下大自然，先再帶我地到頂層入席品茶。