〔杭州〕我在橫店影城穿越到秦朝．尋秦記

來做一日橫漂（即係漂泊在橫店的外地人）之我是路人甲。

威也表演

橫店影視城，大家未去過都會見過，因為近年出名的劇，例如延禧攻略、三生三世十里桃花、步步驚心、錦繡未央、香港的宮心計2之深宮計等等，都有係橫店取景。

橫店影視城是中國最大的影視拍攝基地，也是中國首個國家級影視產業實驗區，由橫店集團的子公司浙江橫店影視城有限公司所有。

整座橫店基地占地4,963畝，建築面積495,995平方米，擁有廣州街、香港街、秦王宮、清明上河圖（汴京城風景）、明清宮苑、夢幻谷、大智禪寺、屏岩洞府、華夏文化園、明清民居博覽城、國防科技園等影視拍攝基地（景點），以及6座興建中的基地：上海灘、唐宮唐街、華夏文化園、九龍大峽谷、情人谷、電影夢幻世界；以及2間大型室內攝影棚。［from Wikipedia]

去橫店，其實我們都係有親友帶住join團，揀1日半自由套票 － 2個景點＋夢幻谷＋指定時間來回旅遊巴交通，價錢唔太記得exact，大約4百幾人仔。

由於有人帶住，我地無做任何事前準備，由得親友自己發揮，朝早8點幾出發，大約10點啦，到左第一個景點 － 華夏文化園。一到埗，嘩，人影都無隻⋯⋯

無錯，真係人影都無隻，入口得個職員收門票，仲要好似勁surprise有客到咁。呢個華夏文化園係咁多個景區中的確係比較冷門的一個，至於點解親友揀呢度，其實我都唔係好清楚。

Anyway，我地一場來到就行下啦～呢個文化園的賣點係古代、仙幻境，園中間有座三教塔，個塔底係一個地獄迷宮，類似哈佬喂d鬼屋，個theme係十八層地獄，不過我都無乜點影相，因為無乜好影，都幾流lol，我驚入面d出入口機關壞多過啲佈景。

好啦有人搭緊景拍野，係有d似三生三世的景

華夏文化園地圖

其中一個園景，都幾似啲清朝宮廷和大宅的角落

其實都唔係差既，都古色古香，周圍都係影相位既。不過，我地得一日時間，來到呢度花兩個小時，就好似有點浪費囉～

臨走時睇到有人拍野，偷偷地影左張相，不過咩人都認唔到（笑）

三生三世啲friend...神仙玄幻戲

Lunch求其係附近的餐廳食，可能因為係淡季，啲餐廳職員都會係巴士站拉客，都唔怕唔識搵野食既。

好啦，下午就來到比較出名的秦皇宮，人氣和遊客即刻多十倍（笑），有多好多表演項目，以及更多的影相位。

入口 － 都應該係好多劇出現過

佔地勁大

前面條長樓梯就係無數皇上皇后登基行個一條

無錯，一睇就認得出係錦繡未央個皇宮

登基係要比錢啦

皇宮大殿之上當然係有大量的古代服裝比你換衫登基影相啦，仲有一個號稱御用太監的著名演員駐場，亦係可以陪住皇上皇后貴妃公主王子們影相。

比較受歡迎的景區，有比較豐富的表演節目

（所以如果只有有限時間，真係要去啲比較旺的景區，先有多節目）

呢個係現場打交飛威也的表演，無乜劇情但幾好睇

表演睇左兩三個，都係呢個飛來飛去比較好睇

秦皇宮底下都有一堆秦始皇的兵馬俑（well, of course）

好啦到最後一個點！橫店夢幻谷！

行去睇表演同玩機動遊戲的影相位，都okay靚

都有幾多表演睇，好唔好睇就見人見智啦哈哈哈⋯⋯

至於機動遊戲就無點玩過，反而有d睇海洋生物個位就幾岩行下既，同行既兩位長者都幾開心～

結果我地去左坐摩天輪

重頭戲 － 睇左大半個鐘的表演

係呀，佢係會火山爆發

其實我唔係好記得個story line，總之最後個下火山爆發，都幾震撼，淨係記得個下我和呀寶笑到痴左線。

嗚呀！！

睇完呢個就準時搭返旅遊巴返義烏。就咁就完左橫店之旅。

Okay，verdict：橫店係值得來既，最推介去d比較熱門、大家都比較熟識的景區，例如秦皇宮和明清宮苑個d，會多好多樂趣！至於夢幻谷，既然門票包左，咪黎埋囉（笑）～

杭州之行主要想分享的都係呢個橫店影城，以及前一篇blog寫的西湖＆靈隱寺。

延續閱讀： 

還有早前的神州任我行系列第一擊 － #17．穿越西安