24 hours in 杭州！
 |
| 呀～情深深雨濛濛（？！） |
2017年最後一個trip係陪老媽返鄉下 － 浙江義烏。在12月尾，我、呀寶（我男友）和我媽直飛到義烏，5日行程，除左拜訪親戚，中間我又想去杭州（就是任性！），所以我地快閃杭州24小時。
由於係探親之旅，我係無plan行程，無book任何野，行程一直keep到好flexible，一確定下一分鐘會出發去杭州，兵貴神速，即時book左個晚係杭州的住宿先 － 位於靈隱寺區的滿月客棧。
我地下午5、6點先係義烏出發，由義烏過來杭州坐高鐵其實好快，都係40分鐘車程，到杭州東站就在車站食埋晚餐先，然後call滴滴坐車去靈隱寺附近的住宿。
夜媽媽無相影，我地就跳到第二日早上啦。
 |
| 雖然呢日成日都落毛毛雨，但索一索，空氣都幾清新，呢個係我地酒店房的露台 |
住宿快評：〔滿月客棧〕地點超好，位於靈隱寺景區主街天竺路的其中一條小巷，旺中帶靜，行去景區售票處都係5分鐘；裝修充滿禪意，寧靜簡約清新，以木造傢俬為主，我地住家庭套房（一張雙人床＋一張單人床），還有露台；職員知道我地好夜先到就留夜d，仲出黎大街接我地，非常友善；包早餐，好簡單的粥品饅頭，在房度食，唔係話好豐富但我覺得幾好食。係一間簡單、舒服的住宿。factbox:
經Booking.com訂 － 3人房大約800元人民幣一晚，唔算係好平的住宿，但絕對抵住。（土豪人士可check out
杭州法雲安縵，5,000元一晚起跳，亦坐落靈隱寺景區）
好啦 － 正式開始行程
 |
| 佛教石刻 |
首先，入靈隱寺要買飛來峰景區的門票 － 45元人民幣一位。
 |
| 係呀都幾凍架個時 |
 |
| 買透明傘係我地最聰明的決定 |
 |
| 深入大自然 |
可能因為夠早，都係10am咁上下，又可能因為落雨，人唔多，景區勁好行～
 |
| 主行人路隔左小河的另一面係好多石刻 |
 |
對面其實有條小路可以行，不過落雨我地絕對會跣到跌落河，所以算啦
btw, 右上角係出名的米勒石刻（好似係） |
 |
| 入靈隱寺另外再科金30元，名目叫「香火錢」，所以真係會送3支清香你拜下啦 |
背景資料 － 靈隱寺建於東晉咸和元年（公元326年），即係已經有1,700年歷史，係杭州最早的名剎，亦係現時中國十大古剎之一。當年係由一位來自西印度的僧人做左靈隱寺的開山祖師，佢當年來到杭州，見到飛來峰就話啦：「此乃中天竺国灵鹫山一小岭，不知何代飞来？佛在世日，多为仙灵所隐。」遂于峰前建寺，名曰灵隐。（點解我知？傻豬黎既
靈隱寺有官網架）
山不在高，有仙則名
寺廟入面我就唔多影相啦，不過我覺得都幾值得去，處處都有故事，度度都係文化遺跡，所以香油錢係抵比黎保養維修下呢啲古跡。據說呢度係濟公的出家地，聞說好靈，不過我地無許願。
 |
| 竹林深處人家，一定係呢度啦！ |
行完靈隱寺，差唔多午飯時間，因為時間有限，我地就離開啦。其他景點，例如飛來峰永福寺個啲，就要等下次再黎啦～
Lunch time!!!! 來杭州當然要食杭州菜！
食杭幫菜，最出名的有樓外樓、知味觀和外婆家。三選一，我地直接滴滴打車去位於西湖旁楊公堤的知味觀．味莊店（
螞蜂窩連結），睇佢評價都唔錯，又近我地過去，都係十幾分鐘車程，而且一食完就可以開始行西湖十景，隔離就係花港觀魚。
 |
| 勁大間勁多位！ |
我地坐地面個層，景觀環境無乜特別，so let's focus on food.
 |
先來一客東坡肉，正！
細細件，試下味就岩晒啦～唔怕太肥食唔晒～ |
 |
| 小籠包，無乜特別，但okay好食既 |
 |
| 宋嫂魚羹 － 好食！！ |
 |
| 龍井蝦仁 － 超勁好食！！勁surprise！ |
當然，我地都開左壺龍井，飲返杯雨前龍井，先叫來過杭州嘛！
 |
| 最後，特別推介 － 係勁得意勁靚勁好食的龍井酥！！ |
結論：埋單三個人食左三百幾蚊人仔，以大陸標準算係貴，我個人標準係正常可接受價錢，環境野食都幾好。
好啦，24小時最後一站景點 － 西湖
 |
| This is 花港觀魚 |
雖然落雨，但因為遊人唔算多，我覺得西湖好靚，我明點解啲人話西湖係美人。
 |
| 我和呀寶勁開心 |
 |
| 遊船河 |
 |
| 坐人搖個隻船仔 |
又係我地傻豬左，無講價就點頭150蚊人仔游船河，不過開心遊一轉，無謂咁執著啦～
 |
| 搖船哥仔叫我地拎張一蚊人仔出黎，呢個就係十景之一的「三潭印月」。 |
好啦，搖完船仔上返岸，其實我真係無乜點plan無research唔係好知點行，所以...我地都係搭偉大的電瓶車！20蚊人仔一個站，總共4個站，即係80蚊人仔就會繞西湖一圈（有一隻係靚啲的電瓶車，車費會貴一倍，40蚊一程我就覺得太貴啦）。
 |
| 廿蚊一個站的電瓶車 － 基本上會經晒大部分景點 |
 |
| 曲院風荷 |
 |
| 比起要跑晒西湖十景，我更加鐘意就咁搭電瓶車，坐下又停下，就咁望住西湖 |
 |
| 度度都係打卡位 |
 |
| 斷雪殘橋 |
來到斷雪殘橋，我地休息左一陣，呀寶囉來到大陸都係要飲Starbucks，就係度坐左陣飲杯Mocha先。其實到最後，我地係無行晒西湖十景 －即係蘇堤春曉、曲院風荷、平湖秋月、斷橋殘雪、花港觀魚、南屏晚鐘、雙峰插雲、雷峰夕照、三潭印月以及柳浪聞鶯。
西湖的美，四季不同，我都期待下次和西湖再會，再安排多啲時間欣賞佢的美。
 |
| 另一面望斷雪殘橋 |
 |
| 行左一陣都係想上返電瓶車 |
休息左陣，本身想截返架電瓶車繼續行，結果一連黎十幾架都係貴價電瓶車，真係吹漲，我地等多一陣，終於上返架普通電瓶車。
 |
| 隨手影都係靚景 |
去到雷峰塔個度發現要再比入場費先有得睇，我地就放棄啦，然後決定係時候返義烏。
回到杭州東站，大約係下午4點，原來呢個時間車站勁爆勁多人，想返義烏都無得即買車票走人，仲要排左一輪隊先發現排錯隊，又無得用自動售票機買，要落樓下幾層某個櫃枱先買到，然後過義烏條火車線本身就爆，結果買左張飛已經要2個鐘頭後先走到。
 |
| 上二樓餐廳填肚！ |
以上就總結左我地24小時係杭州的行程，係走馬看花，所以... we will be back！
延伸閱讀：
其他杭州/義烏文章即將更新
還有早前的神州任我行系列第一擊 －
#17．穿越西安
沒有留言:
張貼留言