來到德國慕尼黑，好多時都會去慕尼黑附近的景點遊玩，新天鵝堡呀國王湖*呀都是非常著名的地標，但如果你想上雪山，滑雪又好玩雪又好，德國最高峰的楚格峰就是一個好選擇。
 |
| 楚格峰上的風景 - 阿爾卑斯山脈 |
去富森天鵝堡和楚格峰，係可以選擇分兩日即日來回，方便住慕尼黑就不用搬行李，或者好似我咁選擇去完天鵝堡之後係阿爾卑斯山下的小鎮Garmisch Partenkirchen 住一晚，慳返交通時間，可以一早衝上楚格峰。
但如何由富森或天鵝堡去GP小鎮呢？
方法一，自駕。自駕絕對是最快最方便的方法，但好可惜，我唔識揸車。
但如何由富森或天鵝堡去GP小鎮呢？
方法一，自駕。自駕絕對是最快最方便的方法，但好可惜，我唔識揸車。
方法二，火車，經奧地利再入返德國。由於富森同 GP 中間隔住好多山脈和田地，用火車經奧地利係會快少少，但德國的邦票唔包。
方法三，巴士。在富森火車站旁搭73號巴士再轉9606號巴士，邦票包，車程約2.5小時，但要注意班次疏落，每日上下午各只有一班車可以駁到後面的9606號巴士；由GP去富森同樣如此。
而我當然揀左巴士啦。
老實講，呢程係我整個旅程最擔心會甩的部分，因為呢程巴士係我去到當地問人先知要咁搭，早前在德國國鐵DB網站搜出來的巴士行程原來並不可行，而我亦唔識去奧地利搭車。
呢日中午，一到達天鵝堡的遊客中心，我就問下路，確認下班次啦。當遊客中心個職員叔叔話這裡只有78號巴士（往來富森），而去Garmisch （即GP小鎮）條路封左，無左直去GP小鎮的巴士，條路仲要封成一個月，我當堂安已不，點．算．好？
呀職員叔叔隨即拿出了一張時間表，指示我一陣要返富森搭下午5點10分的呢架73號巴士，呢架係當天唯一能去到GP小鎮的巴士。
 |
| 去 Garmisch 方向的73號巴士時間表 |
根據我的了解，73號巴士本來係經天鵝堡個遊客中心（見下圖），如果條路通返就應該會有返由天鵝堡遊客中心直接搭去轉車站再去GP小鎮的火車站。
 |
| 73號巴士本來係經天鵝堡的 |
 |
| 返黎富森搭巴士 |
 |
| 沿途好風光 |
73號巴士會帶你去到一條橋 — Echelsbacher Brucke — 係呢度會轉9606號巴士。
 |
| Echelsbacher Brucke |
上了9606號巴士，期間會兜好多個小村落，坐到終點就好。
 |
| Bus no. 9606 |
 |
| 18.08 9606 to Garmisch Partenkirchen Bahnhof |
 |
| 坐9606大約要1.5小時才到GP小鎮 |
注意：
德國拜揚邦票（bayern ticket/Regional day ticket for Bavaria）原來今年（2017）加左價，一人價係25歐，加多一個人就加6歐，最多加4個人，即係一張邦票最多5個人用。
GP景點：
〔德國雪山〕德國最高 楚格峰〔德國棧道〕GP秘景 帕特納赫谷 Partnach Gorge
*國王湖：由於3月的國王湖遊船不到最靚個風景區，鷹巢又未開，因此未有編入行程。
延伸閱讀：
- 德國荷蘭12日春遊紀事2016： 行程概覽、準備篇。
- 2019年東歐（德國、奧地利、克羅地亞）蜜月之旅．行程概覽
沒有留言:
張貼留言