時隔一個月，又係A380！今次係英航 upper deck！
 |
| 英航 A380 |
British Airways － BA32 －A380 － HKG-LHR－Economy
上個月先由德國荷蘭返黎（
遊記更新完成），隔了一個月又再出發去跨越時區，今次到倫敦出差一星期（去做野咋邊有咁多假！），選乘英國航空 British Airways。
因為價錢和有得儲Avios的關係，就買了早前個星期五晚出發的班機，放工後出發，玩個weekend再返工，然後再飛返黎又返工（好chur！）。Anyway，出發之前上網睇下其他reviews，大多都話英航服務態度麻麻，咁到底英航有無咁差呢？我搭完來回程又唔覺啵，同漢莎差唔多！
Check-in：準時24小時前做好網上check-in，發現英航已經預先pre-set了我個位係上層upper deck，非 常 好！ 當日班機睇落相當full！航班起飛前2小時來到機場check-in寄行李，有少少人龍，不過好快清晒！
 |
| 今次有記得要影下呢個位啦 － 一整排都係英航 bag drop counters |
Lounge：本來諗住去拎東亞信用卡杯 $1 Pacific Coffee，好可惜要去mid-field中場客運廊先有，來回起碼40分鐘，咁就直接去Gate 4附近的 Plaza Premium Lounge 食魚蛋粉和拎水飲！因為好多人，所以排左一陣隊先入到，我亦好快食完就走啦～
 |
| 好似好食過gate 40個green market喎喂 |
 |
| 入lounge拎支水亦是常識，right？ |
Boarding：其實英航好似係早一個鐘就可以開始登機，由於入PPL排隊排耐左，又要去RELAY拿免費雜誌，又要去萬寧買返少少日用品（真係好忙！），我去到閘口的時候已經可以登機了！
 |
| 去到閘口大部分人已經登左機了 |
On board：直接由登機橋走上upper deck，好快就搵到自己個位坐低，係2-4-2 中間的走廊位，將隨身行李放晒係前方櫈底，耐心等候起飛。A380上層離引擎遠點，亦會比較寧靜。上層的經濟位係 2-4-2 格局，樓下係3-4-3，理論上張櫈係一樣，但因為兩邊各少了一個位，空間感覺闊落啲，窗邊位更有儲物櫃（見下圖）！
 |
－由於我好快坐低左係中間走廊位，所以唯有影下隔離張櫈
－窗前係收納空間
－頭枕位支撐幾好，唔會瞓瞓下瞓左落人地肩膊度 |
 |
| legroom唔錯，前方櫈底放左我個袋同電腦 |
根據Seatguru，英航A380 World Traveller （a.k.a. economy）座位間距31吋、闊17.5吋。
 |
| 走廊位 |
 |
| 「十月初五的月光」應該係唯一一套中文電影，但我都係睇外國戲多 |
今次睇左 33 和 Deadpool，前者是智利礦場意外真人真事拍成電影，後者是Marvel漫畫改編拍成電影，都好好睇。（利申：Marvel電影fan）
 |
| 有牙膏牙刷、聽筒（同時可以做埋耳塞），和毛毯 |
 |
| 有USB插頭（and it works!）、有遙控掣（攝於航程後段－ 飛機已經飛越荷蘭，快要到倫敦） |
 |
| 起飛後無耐就會先serve drinks，好多人飲細細支紅酒白酒，我就飲可樂 － 相當喜歡個罐的大小，份量岩岩好！ |
 |
晚餐/宵夜－ 牛肉薯蓉－ 濃味食物係飛機環境中會變得特別好食
另一款唔記得係乜 |
 |
| 早餐 － 得呢一款 － 正常囉 蕃茄先煎煎會更好 |
 |
| 洗手間幾乾淨 |
 |
| 廁紙充足（誤） |
有乜感想？其實唔差。英航由香港去倫敦的航班每日有2班，時間都好靚，都係夜晚出發第二朝清晨到達，可以順住時差在飛機上瞓覺休息，落機個時唔會好似殭屍咁，尤其推介BA32呢班A380，因為早啲到早啲過關，不會被前面班機的乘客塞住係海關位。回程是下午/夜晚由倫敦出發，第二天中下午抵達香港，可以快脆返屋企休息。
空服們服務唔錯，雖然唔可以同亞洲區傳統航空 e.g. CX/ANA等相比，但絕對唔叫差。坐得都算舒服，墊背用的小枕頭再厚小小的話就滿足了（笑）
Verdict － 會唔會再搭？會。另外，BA個frequent flyer program （Executive Club）亦唔錯，好少分就可以換One World短途機，9,000Avios 去轉台北都好呀（Asia Miles要15,000里）。
同場加映 － 回程 LHR-HKG BA31！
 |
| 嚇得我呀食完個快飯去到Gate C呢邊一出無人駕駛列車就睇到顯示版寫Gate closing... |
 |
不得了！可以「腳fing fing」～哈！
呢個位（70G）頭頂無儲物空間亦唔可以放行李係腳前，結果我將行李放到前面premium econ的overhead cabin，起飛後再取回重要隨身物品 |
由於個位好近廁所，所以好多人經過，但當食完晚餐大部分乘客瞓左覺之後，反而無乜人會係附近走動，影響唔大。我亦好好彩，隔離無小朋友乘客。
 |
雖然上機前係Gordan Ramsay間餐廳食左個快飯（review在此），但係我都係會食飛機餐，今次啲肉辣得滯，食唔晒。
另一款是Vegetarian pasta |
時間關係 － 早餐啦！
 |
| 有少少surprise點解倫敦出發會有雞粥早餐？我估係香港出餐上機再由倫敦回程香港先派；另一選擇是英式早餐 |
英國航空 British Airways：www.britishairways.com
沒有留言:
張貼留言