係度分享一下近年儲亞洲萬里通 （Asia Miles）的心路歷程。
先利申，作為一個90後廢青，人工唔高又無咩大洗費（無錢點洗？），每個月卡數都係大約幾千蚊，咁搞法要儲幾耐先儲到可以一嚐坐商務艙飛日本的滋味呢？
答：又唔使十年既，有策略地儲一兩年內應該無問題。
首先，亞洲萬里通（Asia Miles）是什麼？
根據官網：「亞洲萬里通」是亞洲首屈一指的旅遊及消閒獎勵計劃。即係在計劃內夥伴商戶消費，例如搭飛機訂酒店等等，就可以賺取積分 a.k.a. 飛行里數miles。咁亞洲萬里通 Asia Miles 和馬可孛羅會 Marco Polo Club 有什麼關係？
Marco Polo Club 係國泰航空公司的Frequent Flyer Program，而Asia Miles係Lifestyle program。如果你係AM會員都唔一定係MPC會員，但如果你係MPC會員就一定係AM會員。而平時搭國泰或其他寰宇一家（One World）的航班，除了可以儲Asia Miles飛行里數，仲會計多樣叫會藉里數 Club miles （今年轉了新制叫做會藉積分 Club Points），夠 Club Points 可以升銀卡金卡做高級會員。
note1: 用信用卡賺來的飛行里數不屬於Club Points。即是唔搭飛機係無Club Points儲，無得做高級會員。
note2: MPC最普通就係綠卡會員，無CX AE送會藉的話，年費US$100。
咁啲里數儲黎有咩用？
最主要係用黎換機票去旅行，不過如果你想換其他東西，好似電器呀禮卷呀新年蘿蔔糕呀演唱會門票呀都可以，你甚至可以［非正途地］賣走啲里數（除非你真係好多里數唔旨在，賣走會貶值好多）。
＝要儲飛行里數的方法有幾個，以下是個人經驗分享＝
第一個方法，直接搭寰宇一家航空聯盟（One World）的航班*，例如國泰、港龍、英航等等，然後選擇將里數儲到Asia Miles計劃內。（*要睇fare class）
平時自己去旅行買平機票飛廉航當然無乜里數可以賺，但有時去工幹還是有機會的，雖然不多，都#多謝老細先。
 |
| 出trip坐因航 #因管理不善而在全球最佳航空公司排名榜由冠軍跌落第三位的國泰航空 |
方法二，去Asia Miles夥伴商戶消費，例如有合作的餐廳、酒店、購物平台等。
在我上班地方附近有不少與Asia Miles有合作的餐廳（餐廳名單），有時候與同事們去吃午飯，又好吃又順便賺里數，還每$2消費賺1里。
而經過 指定連結 在Expedia、hotels.com、agoda等網站預訂酒店，看到預約網頁頁面上有Asia Miles的標誌，就可以賺取每$10消費2里數，有推廣活動時更有雙倍里數，每$10消費有4里。另外，Asia Miles有自己的iShop可以買野，在淘寶、Apple Store買野都有得賺里數。
 |
| 個人頗喜歡的一家東南亞菜餐廳 Mama San （圖片來源：亞洲萬里通網站） |
方法三，用指定信用卡簽帳消費。
目前手上可以儲里數的信用卡有5張，主力用2張 – 東亞Flyer World 和 上商銀聯 ，視乎買什麼用哪張卡有折扣，再配合迎新優惠，這個之後可以再詳談。
有些卡，例如渣打之前張Worldmiles AE，正在過冷河中，即是早前已申請過兼用夠一年cut了卡，正在耐心等待變回新客。
 |
| （網絡圖片） |
方法四，出糧戶口。
早前在渣打、花旗都有開出糧戶口，賺其開戶口送飛行里數的promotion。
難唔難？
So far唔難，個人原則係以最舒服、盡量減少左計右計的方式配合自己的消費習慣去maximise可以賺到的里數，即使係咁，仍然係要付出一啲時間去睇blog睇條款。
大約儲了多少？
失禮慚愧，三年來只靠自己洗費加上一些家庭開支大約共儲了10萬里，成績不算驕人，一來因為搵錢少洗費亦不大，二來上一份工作太忙碌完全無時間玩呢啲，所以大部分都在近一年內儲回來，之前「台港歐」時用了2萬里換兩張單程台北，依家得返8萬。希望現在工作穩定一點，有時間玩這個儲miles遊戲，可以快速升呢。
有乜目標？
希望今年儲夠10萬里，換兩張商務機票下年去日本！
 |
| How about this? |
亞洲萬里通 Asia Miles 網址：www.asiamiles.com
延伸閱讀：
Good money．賺取飛行里數信用卡組合（七月）
沒有留言:
張貼留言