浮世志: 〔京都宇治〕漫步平等院

誤闖西方極樂園。

「欲知極樂，當去拜宇治御寺」《續本朝往生傳》

來宇治，其實計劃行程中最主要係黎學茶道，入平等院只係一個意外。話說去完對鳳庵學完抹茶，出返黎就係平等院的表參道，行到平等院門口前就有好多紅葉好靚啦，就諗住平等院入面都有靚靚楓葉，花了600yen入場，點知入到去紅葉就無乜啦（好多我估其實係櫻花樹），結果變左睇古蹟。

在1994年被選為世界文化遺產的宇治平等院，於公元1053年落成，當時屬於平安時代，佛教盛行，平等院的建造係表現當時的人對往生極樂的淨土信仰，想打造一個「西方極樂園」，所以格局唔似一般佛寺。平等院在日本人心目中的地位崇高，可以係一萬yen（紙幣）和10 yen（硬幣）上睇到。

平等院內的國寶包括鳳凰堂，入面的木造阿彌陀如來坐像，木造雲中供養菩薩像，和屋頂個一對鍍金銅鳳凰，還有更多，不過入場費係唔包入鳳凰堂的guided tour，想參觀就另外比錢（300yen）。

宇治川邊表參道

就係呢個門前花園 - 令我決定入平等院行下

平等院內的庭園都出名架，係史蹟名勝，日本庭園的指標。

來到「阿字池」，池水引自宇治川

鳳凰堂

鳳凰堂內有「本尊阿彌陀如來坐像」，由日本佛像製作家的代表人物佛師定朝於平安時代後期天喜元年（1053）製作而成。其結構技法彰顯出日本獨有的寄木造（木材拼接）技法之嫻熟工藝。在表現方面也採用了日本獨有的樣式「和式」，風格成熟，這一點非常重要。佛像臉頰圓潤面部豐滿。眼睛略下垂，格外大的眼睛寧靜地注視著叩拜者，表情中流露出無限慈悲。佛像含胸、背部略呈圓形的姿勢自然不造作，毫無僵硬的緊張感。（copy 自平等院官網；well，我就無入去睇，隔住個池又點會睇到呢？）