泰國曼谷必買好物十選 2016

10 things you should buy in Bangkok, well, and where to find them

翟道翟市場

1. 香薰

唔知係咪因為當地的旅遊文化的關係，又按摩又spa，在demand and supply的情況下，泰國出產好多香薰，唔止多，仲要好，質素好，價錢都好。比起香港細細支收你三四百蚊，曼谷大大支就二百蚊港紙有交易，我每次去都買幾支。

〔曼谷美食〕水門市場海南雞飯

海南雞飯都係泰國的最好食！

我一向都好中意食海南雞飯，在香港時常都會去食金雞，最愛係筲箕灣的冠泰，來到泰國梗係要食海南雞飯啦！還要食最出名既水門雞飯！

〔曼谷美食〕貓頭鷹帶路 JP French Restaurant 溫馨法式Bistro

由tripadvisor推介，真心好食的法國菜小餐館 - JP French Restaurant。

話說我最近呢兩次來曼谷，兩次都有食法國菜，無錯，係法國菜。雖然泰國唔似越南咁曾經係法國殖民地，但我兩次食到的法國菜都係幾出色，而且無論係位置定價錢都好easily accessible！

〔曼谷景點〕臥佛寺與按摩學校 Wat Pho & Massage

來泰國最古老的寺廟體驗最正宗的泰式按摩！

臥佛好悠閒

呢次來到泰國，岩岩遇上泰王駕崩，全國都係國喪狀態，到處都係悼念泰王的佈置，所有人都係著深色或淨色非鮮艷的衫，好彩大多旅遊景點都係照常開放，我個人感覺對游客的影響唔大。不過，由於好多人去大皇宮悼念泰王，所以我地都無諗住去大皇宮參觀湊熱鬧，淨係想去臥佛寺睇下參觀下，但因為附近封左路，連帶去臥佛寺都麻煩左，的士入唔到去，水路去就最方便啦。

〔曼谷美食〕點可以foodcourts都咁好食架？

Siam Paragon和Terminal 21兩大人氣商場的food courts 真係臥虎藏龍。

話說呢四日在曼谷，我由早餐食到晚餐，由街邊小檔食到溫馨法式小餐館，每餐都覺得曼谷啲野好好食，又平，味蕾感到好幸福，結果食到咀叼晒，返到香港個時有一種覺得食垃圾的感覺，感到少少情何以堪的傷感（我知我係誇張左）。

當香港大部分food courts只能提供維持生命的食物水準的時候，位於BTS Siam站的Siam Paragon和BTS Asoke站的Terminal 21入面的兩個food courts簡直係平民美食天堂。

Siam Paragon Food Court

好Grand的Siam Paragon

〔曼谷附近〕水上市場、鐵道市集一日遊

好方便、唔使煩，一日剛剛好去晒水上市場、鐵道市集和曼谷夜市Asiatique！

懶到一個點 － 在唔想plan行程的時候就會睇有咩one day tour可以join，睇左幾個網上旅遊體驗平台，發現KKday有曼谷一天遊，咁岩會去水上市場和鐵道市集呢兩個我和男友都好有興趣去的景點，最後個解散地點仲要係Asiatique，完左可以逛夜市，perfect！兵貴神速，出發前唔夠一星期先來預訂參加，報團成功！

水上市場

KKDay行程連結：【精華曼谷之旅】水上市場＋鐵道市集＋河濱夜市

〔曼谷酒店〕Tints of Blue Residence 浪漫藍調

在曼谷鬧市中的一片寧靜小天地。

去曼谷好多時都會想住連鎖名牌酒店，一來比較平，二來質素有保證，但有時流於好standardised酒店格局，未必比到一種去渡假去放鬆休息的感覺。今次來到呢間Tints of Blue Residence就真係有一種去左suburb渡假的感覺。

呢間係一間3星精品酒店，在2015年開業，在hotels.com上面search 有gym、有泳池呢兩大前提下，最高評分的其中一間（4.5/5），距離Asoke/Sukhumvit站（即係Terminal 21附近）約15分鐘步程。

好靚的studio apartment 

醫學誌．一次照大腸鏡的經歷

照大腸鏡的心路歷程～

圖片來源：Wikipedia

廿六歲照大腸鏡就好似中學生做社會人士做既事咁，一般照腸鏡都係50歲以上人士先會做，我足足後生一倍，不過因為最近身體出左少少問題，在醫生建議下，上個月就做左腸鏡和胃鏡啦！

〔飛行報告〕香港航空 HX767 香港往曼谷 A330 搭乘分享

凌晨四點到埗曼谷，點算好？

唔係講笑，買呢張機票個時因為貪平，揀左紅眼機，以咁短途來講都真係幾辛苦（長途反而好啲）。以下這篇飛行報告除了講下呢次搭港航的經驗，亦都會講下我點樣渡過落機之後凌晨4點到7點呢幾個鐘。

影到反晒光添⋯⋯

Hong Kong Airlines － HX767 －A330 －HKG-BKK－ Economy

〔過夜火車〕巴黎去尼斯．法國鐵路硬臥體驗

原來法國女人瞓過夜火車唔卸妝架！（誤！）

Umm, 睇見架火車咁，真係唔使期待太多...

繼續回帶 2013年的歐洲之旅！話說係英國坐過Caledonian Sleeper由倫敦去愛丁堡之後對過夜火車感覺良好，因此到係法國有一晚係由巴黎坐到南部的尼斯的過夜火車，對呢程火車有少少期望，好可惜，結果係有少少失望，或者拎Sleeper來期待Couchettes係我的錯。

〔過夜火車〕倫敦去愛丁堡Caledonian Sleeper搭乘分享 (2016年資訊更新)

愛上坐過夜火車的理由。

第一次瞓過夜火車要講返起細細個在大陸跟屋企人去呢度去個度玩個時瞓過，唔係話好差，但又唔係好有深刻印象，一直到3年前係英國坐Caledonian Sleeper由倫敦前往愛丁堡，呢次雖然好短但enjoyable的7小時車程就令我愛上了呢種舒適又方便的交通方式。

Euston Station ScotRail

〔倫敦〕攝政公園與後山 Regent's Park & Primrose Hill

來到皇室公園散散步。

Primrose Hill上的典型英國天氣

外國人真係好鐘意weekend就去公園玩，甚至係放工趁個天仲係光既時候一班朋友買幾支啤酒坐係草地吹水，好爽皮。為了好好把握我在倫敦最後幾個小時的時光，請教左我其中一個老細（法國人），佢提議我來到Primrose Hill行下，話"It's a good place to see the city."

〔倫敦〕The Breakfast Club @Soho 早餐亦是晚餐

All day breakfast梗係All day都食啦！

Full breakfast

在weekday的一個晚上，放工後就坐巴士來到Soho搵食！在倫敦最鐘意就係坐巴士，又平又point to point！其實事前先選了有幾家係soho的餐廳想試，The Breakfast Club就係其中一家。來到英國梗係要食英式早餐呀對不對！！？

〔酒店報告〕東莞萬達文華酒店 Wanda Vista Dongguan

一路向西－ 上星期來到東莞探親時入住萬達文華酒店，又來點評一下。

東莞萬達文華酒店 Wanda Vista Dongguan

首先，我好想知道點解萬達文華（英文名係Wanda Vista）會叫「文華」？由於我唔係負責訂酒店個個，我聽到book左呢間個時有一刻係度諗同文華東方（Mandarin Oriental）有乜關係？諗左一陣，又好似係無關係。究竟萬達改呢個名個時係乜心態呢？

健身誌．康文署器械健體訓練班

上左康文署的「器械健體訓練班」兩個星期，即係已經上左一半，想係度分享下報名和上堂的經驗。

康文署健身室（圖片來源：康文署網站）

在七月頭報班之時，正值California fitness申請清盤，好多新聞報導講返康文署的健身室好抵玩，應該會引左不少人蜂擁報名，好彩我都報到八月的班。

不過我報康文署gym班呢就唔關「加州大地震」事既，我從來都無做過gym亦覺得每個月俾幾百蚊做運動唔係好抵，但係因為呢排減肥又驚落雨想多個地方做運動先決定報，唔想join 私營個啲好怕人sell野煩住晒。

〔倫敦〕Borough Market 千年市集飲食記

來逛倫敦市集食好（東）西！

Borough Market

去Borough Market係來到倫敦的第一日，到住處安頓好後，就周圍行下，一直行到個Market。根據官方網站，Borough Market已經存在了1,000年啦，無錯係一千年，由公元1014年呢個位已經係市集，到了現在仍然係全倫敦最出名的市集。

Good money．賺取飛行里數信用卡組合（七月）

數埋最新到手的渣打Asia Miles卡，可以總結一下最新的賺里數信用卡組合啦！

都唔係好多張信用卡姐～

本來五月就想寫的文章拖到七月先寫到，真係好慚愧！剛好手頭上的信用卡都已過了迎新期，渣打個邊又過完冷河，5月底就申請左張渣打亞洲萬里通聯營卡，點知等左成個月先批到，期間打左幾次hotline都話太多人申請搞到審批好慢，真係好慢。好慢。好慢。。。

Skytrax全球最佳航空公司排名2016

新鮮滾熱辣－全球最佳航空公司排名出爐！

The World's Best Airline 2016 - Emirates （圖片來源：SkyTrax網站）

我在呢度一般都好少寫新聞，但由於寫開〔飛行報告〕系列，又收到份新聞稿，就想在此分享下今年的SkyTrax得獎名單，希望未來有機會搭到這些航空公司可以寫下分享。

〔倫敦〕25分鐘光速食完Gordon Ramsay Plane Food

在希斯路機場食乜好？食飛機餐最好！

It's all about the journey, well said, well said Gordan. 

在倫敦最後幾個小時，來到希斯路機場，退完稅買完手信後，還有大約1小時先開始登機啦，周圍閒逛時就遇到呢一間英國地獄廚神Gordon Ramsay*係機場開的餐廳，好貼題地間餐廳叫 Plane Food，唔通serve飛機餐咁搞笑？

我係門口望過個menu，Plane Food的賣點係能快速上菜，有set meal，亦有單點的a la carte餐點，還有可以外賣上飛機食的餐添架（真係有賣飛機餐！！哈哈哈哈哈～），價錢相當親民，£25夠食一個2-course meal啦。

〔香港〕西貢東壩 熱遊地質公園 Go Go Geopark!

對上一次去東壩已經係幾年前，今次再來東壩，又係夏天，又係極好天的烈日當空，又熱到差點中暑，不過今次多了一個景點－海蝕洞木橋！

地質公園

熱辣辣梗係去行山啦！（大誤）

歐遊後記 2016 之 Random Observations

歐遊2016系列寫到尾聲，來一篇後記重新整理一下我的觀察和感想。前後三次遊歷，到底我去過的歐洲國家留左啲乜有趣的印象俾我呢？

搭redeye機一覺瞓醒就到歐洲（攝於5月出差倫敦時）

回憶返3年前去了英法意19日，今年復活節時再次衝出亞洲到訪德國、荷蘭玩了12日，五月時又去了倫敦出差一星期，前後三次遊歷，對歐洲的認識唔可以話有好多有幾深，相反我好膚淺咁見到有咩覺得有趣就記低係本簿，就有了這篇內容亂糟糟但嘗試懶有組織返少少的後記。

〔阿姆斯特丹〕Drop & Go 中央火車站寄存行李

Literally, just drop & go.

Drop & Go 門口

在歐遊旅程最後一日，由於airbnb住處不能暫存行李，只好將行李帶到中央火車站寄存。火車站內係有lockers既，不過我選擇到附近的寄存行李公司暫存行李。

〔阿姆斯特丹〕跟住app來逛荷蘭國家博物館 Rijksmuseum

一app在手，輕鬆盡覽荷蘭國寶級珍藏！

《夜巡》前人頭湧湧

整個德荷歐遊旅程中的最後一站－ 荷蘭國家博物館 Rijksmuseum。正如去巴黎會去羅浮宮，去羅馬會去梵蒂崗博物館，來到阿姆斯特丹就會到這裡來看看荷蘭國寶級藝術品。

〔阿姆斯特丹〕北海漁村 Marken & Volendam 寧靜與熱情之間

在小漁村的寧靜與熱鬧之間，我在豪海上吃蘋果批。

恩，大概已經sum up左我在北海漁村 Marken & Volendam 一個上午的行程。

揚帆出海 在Volendam

本來我對呢個景點無乜期望（咪又係海），見到旅遊指南有推介，就黎下咁囉。點知來到Marken，出乎意外地我幾鐘意呢個地方，仲想留耐啲添。

〔阿姆斯特丹〕喜力體驗 Heineken Experience 齊飲勝！

不自量力地向酒精發出最後挑戰 － 荷蘭喜力 Heineken！

來荷蘭飲喜力！

啤酒唧～簡單啦！但對於酒量近乎零、每次飲酒（即使是啤酒）都會出疹的我，都是一大挑戰。有人同我講酒量係可以練，我姑且試一試，這一次每到出名的釀酒城市，我都叫返杯來飲下，在柏林飲柏林啤，係慕尼黑飲慕尼黑啤，來到阿姆斯特丹，飲既梗係荷蘭啤 － 喜力！

〔阿姆斯特丹〕風車村 Zaanse Schans 小偷出沒注意

遊客如織的風車村，自然是小偷出沒的地方。

Zaanse Schans

這篇文並非介紹景點，而係提醒大家去到風車村記得小心小偷。

歐洲小偷多要小心，唔少人都提醒過，但來到風車村，先發現「小偷多」係可以有另一層次。

〔英國布萊頓〕Iydea 美味素食 午餐推介

來到「英國素食之都」的Brighton，午餐理所當然地是要在當地出名的素食餐廳一嚐美食呀！

食得肉多都想有餐好食的素清清腸胃。

講起素食，除左諗起羅漢齋，就係一盤盤生勾勾的沙律，我呢就唔多鐘意食沙津，又唔係兔仔，做乜食草唧？好彩，Vegetarian呢就唔止得沙津既，仲有好多其他選擇。位於North Laine附近的Iydea，tripadvisor排名13，被不少人評為 the best veggie place in town。我覺得除左好食，合理的價格、抵食的份量和輕鬆的氛圍都係Iydea廣受好評的原因。

〔英國布萊頓〕七姊妹崖 Seven Sisters 走到世界盡頭

走到世界盡頭，應該就是這樣吧？

七姊妹崖

好文青的開首，搞到我都有點唔慣。但壯觀的七姊妹崖的確好浪漫，係我在英國最喜歡的景點（暫時未有之一）。白色斷崖延綿幾公里，面對住English Channel，幾有氣勢！

〔英國布萊頓〕倫敦快閃 Brighton 一天遊（市內篇）

大海、小店、皇宮，來Brighton 布萊頓度假一天。

Brighton Beach

第二次來到倫敦，最著名的景點都去過了，卻只有一個weekend可以玩，如果係你，你會去邊？

我就決定和朋友來 Brighton 布萊頓－ 一個悠閒的南部海邊小鎮，和法國的尼斯好相似，都係向南、都係石灘、都係咁靚。

〔阿姆斯特丹〕Keukenhof 鬱金香公園的花花世界

你又點估到來到鬱金香公園睇既竟然唔係鬱金香？！

無，我就係想用呢張做key photo.....
《Keukenhof的無憂小豬》

春天來到阿姆斯特丹點可以唔去Keukenhof 睇鬱金香！？每年三月尾至五月都會開放的
庫肯霍夫 Keukenhof 係好出名的鬱金香公園，又名為「歐洲花園」，根據官網，園內種左大將7百萬棵花球莖（同香港人一樣咁多lol），佔地32公頃。

交通方法：由 Amsterdam Centraal 坐火車（約廿分鐘）到 Schiphol airport 再轉巴士（約半小時）就到Keukenhof 門口。

〔慕尼黑〕德意志博物館的5件必睇館藏

精選 5 件必睇的德意志博物館展品 － 滿足對世界的好奇心

德意志博物館入口

德意志博物館 Deutsche Museum 是世界上最大的科學博物館，開放於1903年，全館共有6層、35個展區，每年迎接130萬訪客。

展覽內容包括阿爾塔米拉洞窟（古代洞窟）、無線電、天文學、陶瓷工藝、測時、計算機（電腦）、傳統發電、再生和潔淨能源、環境研究、測量、玻璃吹製、玻璃工藝、航空發展、博物館歷史、動力機械、船舶航海、數學、計量計重、冶金、微電子、礦業、樂器、納米和生物技術、海洋學、造紙、藥劑、物理、機械工具、玩具和兒童王國，還有一個天文館和聯邦總統獎特展。

係就係好多野睇，咁點解一定要來德意志博物館？因為⋯⋯

〔倫敦〕英國預付電話卡 Lebara mobile．機場有售

不能上網會死症後群 之 解藥 - Prepaid SIM Card！倫敦機場買sim card。

倫敦希斯路機場T5 WHSmith有售

外遊時保持上網對好多人都好重要，我亦唔例外。有人會租wifi eggs，有人會係香港買定上網卡，又或者來到當地開一張prepaid sim card 預付電話卡，去英國的話好多人會選擇來到出一張pay as you go的sim card，平過係香港買，so do I！

當然，如果唔想來到英國都比誠哥賺你錢，唔用 3uk，還可以選用 lebara mobile － 一家英國本土網絡供應商。

〔德國美食〕慕尼黑餐廳推介 滋味肉丸 Zwickl @穀物市場 Viktualienmarkt

在德國這七天，終於遇上一間我會用「嗚呀！好好食！」來形容的餐廳。（喊出黎）

餐廳正門（攝於未開門時）

如果你有朋友去過德國，不妨問問佢德國有乜好食，好可能佢會答你：「無，德國啲野好難食。」which is true，我在當地遇到一個由廣州來德國定居了十幾年的家庭，都係咁講。

〔德國住宿〕慕尼黑藝術酒店 arthotel Munich

一間「arty在外，cozy其中」的精品酒店。

you know it's arty, when you see...門口有2個「頭生草」的花盆

由德國最高峰－楚格峰返回到慕尼黑，還是選擇在慕尼黑中央火車站附近入住酒店，由於價錢問題，就無再返到前兩日入住的 慕尼黑NH德國皇帝酒店 NH München Deutscher Kaiser，反而選擇了這間三星級的精品酒店－ 慕尼黑藝術酒店 arthotel Munich － 附樓的雙人房。

〔德國棧道〕GP秘景 帕特納赫谷 Partnach Gorge

古語有云「明修棧道」，棧道呢樣野唔止中國有，原來德國都有。

Partnach Gorge

是日景點：Zugspitze 楚格峰－Partnach Gorge － 坐火車回慕尼黑

上午去完楚格峰 Zugspitze，食完個午飯就決定到附近的 Partnach Gorge，走走山谷棧道，感受山中靈氣。

Partnach Gorge，又叫Partnachklamm，在tripadvisor GP附近景點中排名第2，是一個經過長年河水沖刷而成的700米狹長山谷，步道沿山壁而建，離急速的白色河水只有幾米距離，沿途有由高處下墜的瀑布，在陽光照射下閃閃發光，是相當迷人的地理景致。

〔德國雪山〕德國最高 楚格峰

#我是一個西伯利亞人 #冬天的冠軍 #識唱一齊唱

The cold never bothers me anyway～

是日景點：Zugspitze 楚格峰－Partnach Gorge － 坐火車回慕尼黑

楚格峰 Zugspitze － 海拔2962米，屬於阿爾卑斯山脈，位於德國和奧地利的邊境，它的德文名就係「Zugspitze」（Spitze的意思是「頂峰」，Lawinenzug或Zug的意思是「雪崩」），由於山峰北側陡峭經常發生雪崩而得名。楚格峰雖然唔算好高，但已經是德國最高峰，遊客和滑雪人士都可以搭登山火車，輕鬆登頂。山上（天氣好的話）好適合滑雪，亦好岩遊客上去賞雪睇風景。

〔倫敦飲食〕大大隻龍蝦 Big Easy @Covent Garden

到底係由什麼時候開始，去倫敦係要食龍蝦架呢？

Covent Garden的Big Easy

唔知幾時亦唔知點解，「來倫敦食龍蝦」已經同「食fish & chips」一樣，上左榜成為遊客必做事項101之一。除了已經街知巷聞（笑）的 Burger & Lobster，一位正在倫敦工作的朋友就推介一齊去另一間叫 Big Easy 的餐廳食龍蝦，除了因為隻龍蝦大隻好多（和B&L相同價錢！），亦因為無（未有）咁多香港人去（再笑）！

〔飛行報告〕英國航空 BA32 香港往倫敦 A380 搭乘分享

時隔一個月，又係A380！今次係英航 upper deck！

英航 A380

British Airways － BA32 －A380 － HKG-LHR－Economy

上個月先由德國荷蘭返黎（遊記更新完成），隔了一個月又再出發去跨越時區，今次到倫敦出差一星期（去做野咋邊有咁多假！），選乘英國航空 British Airways。

〔德國住宿〕GP小鎮 四季酒店 Hotel Vier Jahreszeiten

未講楚格峰之前先講附近住宿！此四季不同彼四季呀（Four Seasons），唔好搞錯！（笑）

酒店門口

為了可以maximise遊玩時間，一早衝上楚格峰，決定由富森 Fussen 直接過來Garmisch-Partenkirchen先過一晚。這個小鎮位於阿爾卑斯山腳，附近有多個滑雪場，加上曾舉辦過冬季奧運，也是頗出名的渡假勝地，所以有好多住宿選擇。

〔德國富森〕新天鵝堡 未完成的童話

是日景點：Fussen 富森－Schloss Neuschwanstein 新天鵝堡 － Alpsee湖 － 坐巴士去Garmisch小鎮

迪士尼睡公主城堡，呀唔係，這是新天鵝堡

新天鵝堡 Schloss Neuschwanstein — 是我們由柏林南下慕尼黑的最大原因。係計劃行程期間，成日諗住「無去過新天鵝堡就好似無去過德國咁」，所以就決定兜個彎落去黎留個腳印啦！

〔慕尼黑〕德式生活 英國花園

是日景點：Dachau KZ-Gedenkstatte 達豪集中營－ Marienplatz 瑪莉安廣場－Englischer Garden 英國花園

學德國人飲德國啤！

由Marienplatz來到英國花園，繼續懶到出汁善用Day Ticket，搭U-Bahn到Giselastrasse站之後轉搭54號巴士直衝入英國花園 Englischer Garden 的心臟 － 中國樓 Chinesischer Turm。（你可以步行入去既，不過我懶姐⋯⋯）

〔慕尼黑〕新市政廳 | 地窖餐廳｜德國豬腳

是日景點：Dachau KZ-Gedenkstatte 達豪集中營－ Marienplatz 瑪莉安廣場－ Neues Rathaus 新市政廳－ Frauenkirche 聖母教堂－ Sankt Peter Kirche 聖彼得教堂－ Viktualienmarkt 穀物市場－English Garden 英國花園

新市政廳Neues Rathaus － 每日定時定候都有鐘樓表演

下午來到慕尼黑市中心閒逛，由於係復活節期間，附近好多商店都沒有開，Viktualienmarkt 穀物市場也是休息狀態，所以去了新市政廳下的一間餐廳食個德國菜lunch。

〔慕尼黑〕達豪集中營 人間煉獄

是日景點：Dachau KZ-Gedenkstatte 達豪集中營－ Marienplatz 瑪莉安廣場－ Frauenkirche－ Neues Rathaus 新市政廳－ Sankt Peter Kirche－ Viktualienmarkt 穀物市場－English Garden 英國花園

達豪集中營

WARNING: 呢個景點唔係一個會令人開心的地方。

納粹大屠殺（Holocaust）是指第二次世界大戰中由納粹德國主導的系統化種族滅絕行動，在這次行動中有1,100萬至1,700萬人遭到屠殺，其中猶太人有600萬。

Dachau KZ-Gedenkstätte 達豪集中營是納粹德國所建立的第一個集中營，位於達豪鎮附近的一個廢棄兵工廠，距離慕尼黑16公里。 1933年3月22日，達豪集中營建成啟用。 1945年4月29日，美軍解放達豪集中營，同時發生達豪大屠殺。達豪集中營曾先後關押過21萬人，其中3.2萬人死亡。

〔德國住宿〕慕尼黑NH德國皇帝酒店 NH München Deutscher Kaiser

珠玉在前，第二次入住NH Hotels集團的酒店就覺得有差了。

由柏林的NH Berlin Mitte （review連結）搬到慕尼黑的NH München Deutscher Kaiser，大家都係NH Hotels Group，難免有所比較。Is this bad? No. 只是柏林的NH令我有過高的期待。

由火車站出口望向酒店

〔柏林〕二戰 | 猶太 | 德國朱古力

是日景點：Checkpoint Charlie 查理檢查站－Jewish Museum 猶太博物館－Fassbender & Rausch 朱古力店－坐火車去慕尼黑

在柏林的最後半天，就來逛逛酒店附近的景點。雖然只有短短半天的時間，心情卻隨著參觀的景點高高低低起伏不停。

Checkpoint Charlie

Good money．一個人在儲亞洲萬里通飛行里數

How I earn my Asia Miles？我做到，你都做到。

係度分享一下近年儲亞洲萬里通 （Asia Miles）的心路歷程。

先利申，作為一個90後廢青，人工唔高又無咩大洗費（無錢點洗？），每個月卡數都係大約幾千蚊，咁搞法要儲幾耐先儲到可以一嚐坐商務艙飛日本的滋味呢？

答：又唔使十年既，有策略地儲一兩年內應該無問題。

〔柏林〕大教堂 | 跳蝨市場 | 百貨公司

是日景點： Schloss Sanssouci 無憂宮－ Hackeschen Höfe － Berliner Dom 柏林大教堂－Flea Market at Bode Museum －KaDeWe 百貨公司

柏林大教堂 Berliner Dom

來到下午的行程。

在哈克雪庭院食完午飯後，就步行到博物館島，什麼博物館的沒興趣，我們只來為看柏林大教堂。

田園生活．秋去春來出猩猩（日本紅楓）

<How to keep your plants alive>系列 之 秋去春來

話說去歐遊前買左棵出猩猩，即係日本紅楓，細細棵又靚，未出發前先修剪過啲葉一輪，有一兩塊葉變淺了色我還以為營養不足定係點點點，點知當我去完旅行返黎⋯⋯

紅燈

〔柏林〕 無憂宮 | 哈克雪｜德國啤酒

是日景點： Schloss Sanssouci 無憂宮－ Hackeschen Höfe － Berliner Dom 柏林大教堂－Flea Market at Bode Museum －KaDeWe 百貨公司

無憂宮與著名的六級葡萄山梯型露台

在柏林的第二天，天氣變得超級好！我們來到距離柏林半個小時火車程的Potsdam 波茲坦，參觀無憂宮 Schloss Sanssouci，Sans Souci是法文，解無憂、忘憂的意思。

〔柏林〕 國會 | 圍牆 | 菩提樹下

是日景點：Brandenburger Tor 布蘭登堡門 － Memorial to the Murdered Jews of Europe 歐洲被害猶太人紀念碑 －Siegessaule 勝利女神柱－ Berliner Mauer East Side Gallery 柏林圍牆東邊畫廊－ Potsdamer Platz 波茲坦廣場－ Reichstag 國會大樓

國會大樓 Dome of Reichstag

這天一早抵達柏林就衝到酒店寄存行李，之後就來到布蘭登堡門附近正式開始行程。

這天天氣不好，常常落"陰濕雨"，有點可惜，但係the show must go on！繼續行景點！

柏林的景點都頗集中，都是沿著菩提樹下大街（Unter den Linden）一路走去便是。在布蘭登堡門附近就是國會大樓和歐洲被害猶太人紀念碑，門前就係菩提樹下大街，向東一直走就係電視塔呀博物館島呀Alexanderplatz。