〔飛行報告〕澳洲航空 QF30/29 香港來往墨爾本 搭乘分享

飛澳洲不可以坐廉航，是常識。

QF30 紅眼機

博主近況：剛剛過去的10月實在太忙，其實未來一年都會忙緊自己人生大事（哈哈哈哈係呀我和呀寶結婚啦！），不過會盡力更新個blog，或者學下wow谷友又寫下結婚野？

Anyway寫左呢個飛行報告先！今年6月，我去了墨爾本公幹一星期，老細好last minute先叫我出發，我都係求求其其邊間平啲就飛邊間，所以我揀左Qantas - 澳洲航空。

〔西安〕書院門前聞書香 - Day 7

西安遊記來到最後一篇，旅程來到最後一站，來到書院門前閒逛一下。

書院門 

書院門，其實係指碑林博物館前的一段步行街，主要係賣書法有關的用品和古玩，大部分路段綠樹林蔭，與西安的古城氛圍相比帶點小清新的感覺。

〔飛行報告〕國泰航空 CX734 新加坡到香港 B773 搭乘分享

（博主男友呀寶客串投稿）

因航

Cathay Dragon － CX734－ B773－ 新加坡飛香港

搭乘日期：2017年9月22日  

小弟最近由新加坡做完野返香港，選乘國泰航空。

〔西安〕食得盡興永興坊 - Day 6.3

吃貨天堂 - 西安東門永興坊 ！

永興坊

在西安，經過6日酸、辣、鹹的味蕾洗禮，終於搵到啲正常野食下。

西安的食物以牛羊肉為主，非常重口味，多肉少菜得來還要小心便秘，所以對於一向追求美食的我們，在西安的日子真係過得幾苦惱。雖然回民街夜市好出名，但係食物就真係唔多岩口味，不過氣氛幾熱鬧，還是值得一訪。而我遇到的西安人個個都叫我去永興坊，又好食又平，對比回民街好上n倍，係呢一日我親身驗證左，係有一種「相逢恨晚」的感覺。

〔西安〕明朝城牆縱橫行 － Day 6.2

I travel on city wall by car - 逍遙遊走中國現存規模最大，保存最完整的古代城牆。

明城牆南門

來到Day 6，完成左本人人生創舉之一的夜爬華山，睇完個日出回到西安，整個人頹晒。整整30小時無瞓覺，完全無心機搵野食，結果買左個杯麵返房食，拿拿臨食完沖個靚涼，然後瞓返兩三個鐘休息下。

補眠完就又繼續行程，搭巴士去到西安城牆的南門入口，下午5點幾的西安仍然好熱，我個樣仍然好殘，不過無損我們來到西安明城牆參觀的興緻。

〔西安〕華山的日與夜．夜爬華山睇日出 － Day 5.2-6.1

夜爬千尺上華山 日出東峰朝陽顯

華山百尺峽

上華山，論英雄！計劃去西安的時候，好偶然睇到一篇夜爬華山的遊記，好熱血好想挑戰自己，就有了夜爬華山睇日出的想法。有些東西你現在不做，可能這輩子都不會做，夜爬華山就係一例。

〔西安〕華山的日與夜．日行與夜爬．日行篇－Day 5.1

走壁長空驚魂道 遠看奇峰起雲湧

在北峰仰望華山

西安旅程的重頭戲，就係勇闖華山。

〔西安〕乾陵．拼團一日遊．番外西安飯莊－Day 4.2

法門寺乾陵一天遊 Part 2 之古墓探秘

永泰公主墓的美女壁畫

繼續下半日的行程！上午去完法門寺，跟住就係去乾陵，以及附近的陪葬墓（永泰公主墓）～乾陵係唐高宗李治與皇后武則天的合葬墓，不過呢個時候我淨係諗起范冰冰和李治廷！

〔西安〕法門寺．拼團一日遊－Day 4.1

法門寺乾陵一天遊 Part 1之參見舍利、清心如齋

金光閃閃的法門寺合十舍利塔

既然來西安參加當地一日團既慳水又慳力，又方便又便宜，唔好比佢停！前一天去了華清宮、兵馬俑，這一日來到第2個團就係去參觀法門寺、乾陵的一天遊。

〔西安〕兵馬俑．拼團一日遊－Day 3.2

最經典的西安旅遊路線 Part 2 － 兵馬俑！

世界第八大奇蹟 － 兵馬俑

話說我們來睇西安最出名的景點 － 兵馬俑、華清池 － 係安排了參加當地一日團，包了門票、交通、午餐和講解，上午華清池的行程請睇： 〔西安〕拼團一日遊．華清宮篇－Day 3.1

下午我們繼續行程～臨離開華清宮前已經開始落雨，愈落愈大雨，食完午飯去到兵馬俑景區直頭好似紅雨咁。當地大媽們真係識做生意，團友一落車已經係咁sell你買雨褸，我見咁大雨真係唔對路，就買左兩件雨衣，15元2件，結果證明呢個決定真係好明智。

〔西安〕華清宮．拼團一日遊－Day 3.1

最經典的西安旅遊路線 Part 1 － 華清宮

楊貴妃之春寒賜浴華清池

我們呢次黎到西安總共報了兩個一天團，經大陸的「蚂蜂窝」網站報名，但其實都係拼團交俾當地旅行社帶團。Anyway，呢類團行程好全面好方便，一早在酒店pick up我們，又包晒入場費、午餐、交通和講解，回程送到回民街，甚至包機場/高鐵接機。

旅程中的第一個團，我們先去西安最經典的旅遊路線－ 華清宮和兵馬俑，都係位於西安市外東邊的驪山。P.S. 自己去的話可以到西安火車站搭遊5(306)巴士。

〔西安〕大雁塔音樂噴泉．水動夜色－Day 2.3

西安三大夜景之一．大雁塔北音樂噴泉

西安版「幻彩詠香江」

呢一日行程去完大唐芙蓉園就步行過去大雁塔，大約就20分鐘步程，經過大雁塔/大慈恩寺旁的步行街去北邊音樂噴泉，而大雁塔本身我就無計劃到入去，去望下外觀就可以。

來到大雁塔北，本身諗住睇6點個場就去食晚餐，點知我地企個位唔靚，而且日間的噴泉表演真係無乜亮點，睇了十幾分鐘我們就一致決定去左食晚餐先再返轉頭睇8點半個一場晚上表演。

〔西安〕大唐芙蓉園．盛唐水色－Day 2.2

夢回唐朝。

御苑門入口

大唐芙蓉園，是西安一個仿照唐代風格興建的大型主題公園，位於曲江遺址隔離，係用了十幾億來興建的大製作。話說，千幾年前的芙蓉園係真的，不過遺跡就無晒架啦，所以在原址以北起返呢一個仿唐建築。

其中最主打的項目就係園內紫雲樓前的噴泉表演，據說晚上的水幕電影表演最是精彩，華燈齊上、美不勝收，可惜當晚安排去睇大雁塔個一邊，如果唔係都會留低睇一睇。

〔西安〕陝西歷史博物館．參觀攻略－Day 2.1

「給我一天、還你千年」－ 呢一句話其實放在陝博用都好合適～

陝西歷史博物館

來到古都的Day 2，正正式式開展西安的行程。要了解一個城市的歷史文化，最好就係去一去它的博物館。陝西歷史博物館就係最適合來了解這個十三朝古都的歷史背景的地方，歷史涵蓋面廣，而且入場係免費的。

〔西安遊記〕回民街．鐘樓夜景 － Day 1

到埗西安後第一站！

回民街

回民街 - 西安最出名的美食街，係當地回民聚集地，所以賣的都是回族小食。

來到西安，去完酒店放低行李洗個臉，就出來準備食晚餐啦。係計劃行程時已久仰回民街的大名，因為好多遊記攻略都介紹呢條街係「西安著名地標」、「人氣最旺」、「美食匯聚」，經過我們實地探訪，前兩點係真的，後面「美食匯聚」就唔太同意啦。

〔飛行報告〕國泰港龍 KA946/943 香港往來西安 搭乘分享

係我心目中，港龍永遠都係一條龍。

這是KA943回程的A330，機尾仍然是四爪赤龍logo

話說，我人生第一次搭飛機（我都唔記得係n年前）就係搭港龍，我仲好記得個飛機餐係肉醬意粉，勁好食。事隔n年，光陰似箭，日月如梭，四爪赤龍連物種都變埋，退化左一條紅燒魚翅。

〔大阪東京〕去到邊都要食蟹！蟹道樂 かに道樂

古有劉備三顧草蘆，今有我三顧蟹道樂。

話說，最近三次去日本（大阪和東京）都有去食蟹道樂，午餐、晚餐都食過，真係可以寫返篇經驗談了！其實日本食蟹最應該去北海道，不過唔緊要啦去蟹道樂都唔錯啦。

大阪道頓堀本店

最近一次我到東京工作，提早少少到偷多啲時間去玩去食野，個日的午餐就決定左要食豪啲，就去左食新宿的蟹道樂啦。新宿有兩家，我去的係新宿本店，就咁walk-in。

〔東京〕新宿御苑．抓緊櫻花的尾巴

如何用instagram抓住東京的最後一片春天。

四月底來到東京的我感到好尷尬，因為櫻花期已過，本來諗住得一日free time就去新宿shopping就算啦，就係我坐緊山手線去新宿駅的時候，靈機一觸點開instagram睇睇附近的最新相片，點知入眼一片粉紅（！！！），嘩嘩嘩仲有櫻花！！！！？？？即刻點開地圖去新宿御苑！

〔飛行報告〕國泰航空 CX524/505 香港往來東京 搭乘分享

終於寫到本地薑*的航空公司啦！

波音777-300 － 如此難過的一程凌晨機 

寫左好幾份飛行體驗，今次終於到國泰啦！過去兩三年間，其實都有搭好幾次國泰，最近這一次在今年4月時間我出差到東京，來往呢個不少香港人的「家鄉」，有budget就梗係坐返號稱Premium services的因航**啦。

〔台北〕投奔北投20小時

溫泉、拉麵、地熱谷。

北投地標 － 地熱谷

台北之旅首站。頭兩日（其實前後24小時都無）安排左來北投浸下溫泉、hea行下景點。

〔台北酒店〕旅樂序站前館．美好的一天由早餐開始

旅樂序已經成為我來台北的落腳點了。

一家三口岩岩好～

三訪台北，兩次都係來住台北車站附近的旅樂序，呢個精品酒店brand旗下有4間酒店，我就住過兩間 － 分別係2015年時入住的3號館和2016年尾入住的2號館。當然，酒店住得舒服先會食過返尋味啦，right？

〔台北〕跑馬看花一天團．野柳九份十分

嘩～不止是走馬看花，是跑馬看花。

野柳地質公園

帶住兩老去自由行，對一個唔識揸車無得自駕遊的孝子來講，真係好大挑戰。所以，我地都係交比專業人士 － 導遊～

〔台北〕到此一遊101． 鼎泰豐

來到台北101，當然食埋台北top 10最好食之一的鼎泰豐啦～

台北101

台北101，對香港人來講可能係好雞肋的景點，老實講日日睇慣左香港的景，在101高空俯瞰台北市區，四面望出去我真係噏唔出有乜分別有乜特色，不過我著實諗唔到台北仲有乜景點適合兩老行下，所以都係黎左行下，順手食鼎泰豐。

〔台北遊記〕汐止食養山房．只緣身在此山中

吃一口禪意．無菜單料理。

食養山房的東方美學

每一次去旅行都總會計劃一啲重點項目，例如去京都著和服、去德國上雪山，等每個旅程都有個亮點，在回憶中留下最深刻的印象，而且因為已經計劃左好耐又好有期待，完成到個種滿足感真係好正好感動。

呢次來台北的重點項目就係來到「食養山房」品嚐「無菜單料理」，兼品茶。

〔飛行報告〕中華航空 CI915 台北往香港 A350 搭乘分享

A350真係好靚～

泊在香港機場染上日落雲霞的中華A350

China Airlines － CI915 －A350 －台北往香港

搭乘日期：2016年12月31日 - 14:40 TPE - 16:45 HKG

新機真係唔同啲！

〔飛行報告〕捷星 Jetstar GK63 大阪往香港 A330 搭乘分享

回程返香港係搭另一間廉航 － Jetstar Japan。

Jetstar － GK63 －A330 －大阪往香港

搭乘日期：2016年12月3日 - 16:10 KIX - 19:45 HKG

玩左成個星期，（終於！）係時候返香港啦！來大阪的時候係搭快運，而回程呢就係搭捷星。點解會分開買係因為一次過買唔到快運來回，所以逐程逐程趁特價買入手。

〔京阪行〕七日六夜京都大阪賞楓自由行行程參考

京阪自由行行程總結及連結。

京都清水寺

呢次來到大阪京都逗留短短一星期，行程主力都係買野食野，雖然行程好豐富，但要數得上值得寫文章的並不多，所以這次旅程的相關文章就得咁多，以下附上行程表加文章連結，供各位參考 －

〔大阪住宿〕 ibis Styles Osaka

地點好、房間大、包早餐，在紅燈區中的family-friendly 酒店。

ibis Styles Osaka

由京都轉戰大阪，今次入住的係ibis Styles Osaka，住左三晚。

〔京都〕 嵐山賞楓．天龍寺與嵯峨野小火車

來到京都睇紅葉，又點可以唔去嵐山？？

紅葉夾道相送

在京都行程中最後的景點就係到嵐山搭小火車同周圍行下，由於在京都JR站買唔到心水的車票（即係靚時間／玻璃第5卡車廂），我地已經對小火車行程無咩期望，都係決定到嵐山個時即場試下買車票，買到就坐買唔到就算。

〔京都〕 北野天滿宮之滿天紅葉

初次拜會京都紅葉名所。

北野天滿宮之紅葉苑

在宇治學完自己做抹茶之後，就趕埋今日呢個京都景點 － 北野天滿宮，因為之後傍晚時間要搬住宿到airbnb，我們一共5位團友終於要齊腳啦！

老實講，北野天滿宮的主建築部分我係無入過去，供奉什麼有乜歷史我一概唔知，後來check過先知係拜「學問之神」的地方。我來呢度係淨係為左睇紅葉，而睇紅葉最靚的地方係要另外比錢入，盛惠600yen。

〔京都〕 京都站之寄存行李 好easy

Another drop & go! in Kyoto!

京都站望京都塔

來到要離開京都這一天，其實好唔想走，好想留係京都慢慢hea，下次再來的話要留一星期！！（決心！）Anyway，由於airbnb住處不能替我們暫存行李，所以我地就到京都站寄存行李啦！

〔京都〕永觀堂賞夜楓

一眼難忘永觀堂！

（博主的話：過去一個月好忙呀呀，希望接下來可以抽多點時間勤力返啲寫多啲寫快啲，因為我五月又會出行啦！費時積累太多文章！下次出遊地點：神州萬里行 — 西安！）

話說，正值紅葉期來到京都，又點少得賞夜楓的環節！呢頭日頭去清水寺著完和服之後，就安排去永觀堂賞夜楓。

〔京都宇治〕漫步平等院

誤闖西方極樂園。

「欲知極樂，當去拜宇治御寺」《續本朝往生傳》

來宇治，其實計劃行程中最主要係黎學茶道，入平等院只係一個意外。話說去完對鳳庵學完抹茶，出返黎就係平等院的表參道，行到平等院門口前就有好多紅葉好靚啦，就諗住平等院入面都有靚靚楓葉，花了600yen入場，點知入到去紅葉就無乜啦（好多我估其實係櫻花樹），結果變左睇古蹟。

〔京都宇治〕對鳳庵茶道體驗．自己抹茶自己抹

去宇治，飲抹茶。在傳統茶室跟老師學習茶道。

どうぞ！

位於宇治川旁的對鳳庵係由政府經營的公營茶室，主力推廣茶道文化，所以茶道體驗的價錢相當相宜，最基本品嚐一杯抹茶／煎茶都係500yen。

去之前參考過幾篇網上文章，發現都係來飲茶的（500yen個隻）居多，無乜有提到自己都可以學抹茶。不過，我地一場來到，山長水遠，又點可以坐15分鐘飲杯茶就算呢？！

所以，我預約的茶道體驗，係「お点前体験」，包括老師沖一杯、自己都學沖一杯，和茶點，盛惠1200yen。

〔京都遊記〕著和服賞紅楓．岡本和服體驗分享＠清水寺總店

這次 Girls' trip 京阪之旅重頭戲 － 著和服！遊京都！

穿和服的我

整個京阪旅程最期待就係一班女孩子一起穿和服遊京都！正值賞楓旺季，我和朋友們早係幾個月前已經上網預約了在清水寺總店的當日最早的9點booking，亦選了最多人揀的「正裝套餐」5,000yen（不含稅），務求揀到最岩心水的和服可以著成日。

〔飛行報告〕香港快運 UO1844 香港往大阪 A320 搭乘分享

廉航都有飛行報告！

HKExpress

Hong Kong Express － UO1844 －A320 －HKG-KIX－ Economy

飛行日期：2016年11月27日

去大阪的廉航，有快運（HKExpress）、有捷星（Jetstar）、有樂桃（Peach）。今次去大阪玩去程係坐快運，回程就坐Jetstar，都係分別兩次不同的Sales買，夾埋行李總共都係大約HKD1400，在紅葉期內好難得。